Ջերմաստիճանային նոր ռեկորդ է սահմանվել Երևանում և Արարատյան դաշտավայրում
12:08
20 Դեկտեմբերի 2016
ԵՐԵՎԱՆ, 20 դեկտեմբերի. /Նովոստի–Արմենիա/. Ջերմաստիճանային նոր ռեկորդ է գրանցվել Երևանում և Արարատյան դաշտավայրում, գրել է ԱԻՆ Հիդրոմետ ծառայության օդերևութաբանության կենտրոնի պետի տեղակալ Գագիկ Սուրենյանը Facebook-ի իր էջում։
«Անցած գիշեր Արարատյան դաշտում և Երևանի ցածրադիր գոտում ջերմաստիճանը հասավ -22 աստիճանի, որը -6.4 աստիճանով գերազանցեց 1971 թվականին գրանցված ռեկորդը՝ -15.6 աստիճանը»,– գրել է նա։
Վերջին օրերին Հայաստանում գրանցվել են օդի ջերմաստիճանի` ռեկորդային ցածր ցուցանիշներ։ Որոշ մարզերում սնդիկի սյունը ցույց էր տալիս –33 աստիճան։ Հանրապետությունում օդի ջերմաստիճանը կլիմայական նորմից ցածր է 10-15 աստիճանով։ -0-
Ակադեմիական քաղաքում կկառուցվեն բնակելի տարածքներ, գիտահետազոտական կենտրոններ, սպորտային ենթակառուցվածքներ, այգի, ամֆիթատրոն՝ նախատեսված 50 հազար մարդու համար
Նախօրեից Երևանի փողոցներում և սոցցանցերի հայկական տիրույթում կրքերը չեն հանդարտվում՝ կապված քաղաքապետարանի կողմից Կասկադի տարածքում ծառերը հատելու մտադրության հետ
