ԵՐԵՎԱՆ, 20 հունիսի./Նովոստի-Արմենիա/. Այսօր ՔՊ գրասենյակում ԱԺ «Իմ քայլը» խմբակցությունը նիստ էր հրավիրել. նիստին մասնակցում էր նաև վարչապետ Նիկոլ Փաշինյանը: Նիստից հետո լրագրողների հետ զրույցում ԱԺ փոխխոսնակ Ալեն Սիմոնյանը պարզաբանել է վարչապետի՝ Մոսկվա չմեկնելու պատճառները:
Загружается новость ... "Лево"
Հունիսի 9-ին հայտնի էր դարձել, որ ՀՀ վարչապետ Նիկոլ Փաշինյանը մեկնելու է Մոսկվա՝ Հայրենական մեծ պատերազմում Հաղթանակի 75-ամյակի պատվին կայանալիք զորահանդեսին, որը տեղի կունենա հունիսի 24-ին:
Սակայն նախօրեին վարչապետի խոսնակ Մանե Գևորգյանը հայտնել է, որ Մոսկվայում կազմակերպվող Հայրենական Մեծ Պատերազմի 75-րդ տարեդարձին նվիրված միջոցառումներին Հայաստանը ներկայացնելու է 75 հոգուց բաղկացած զորախումբ` պաշտպանության նախարար Դավիթ Տոնոյանի գլխավորությամբ: Փաշինյանը նախօրեին նամակ է հղել ՌԴ նախագահ Վլադիմիր Պուտինին` նշելով, որ չի մասնակցի Մոսկվայում կայանալի տոնական միջոցառումներին։
Նշենք, որ Փաշինյանն իր նամակում հայտնել էր, որ չի մեկնի Մոսկվա կորոնավիրուսի հետ կապված իրավիճակով պայմանավորված:
«Ամբողջ աշխարհ երկրների ղեկավարներն են այդ խնդրի հետ առնչվում, միայն ՀՀ ղեկավարը չէ, որ հրաժարվել է մասնակցել, այլև շատ-շատ երկրների ղեկավարներ»,- նշել է նա:
Նա նաև մեկնաբանել է տեղեկությունն այն մասին, որ Ռուսաստանի կողմից վարչապետին առաջարկվել է կորոնավիրուսի թեստ հանձնել օդանակավակայանում:
«Վարչապետի աշխատակզմն է դրանով
զբաղվում: Նման տեղեկության չեմ տիրապետում, բայց որևէ ձևով
չի կարող պատճառ կամ առիթ հանդիսանալ»,- նշել է Սիմոնյանը: -0-
