ՀՀ վարչապետն անհրաժեշտության դեպքում պատրաստ է բանակին զոհաբերել իր ունեցվածքը

ԵՐԵՎԱՆ, 24 ապրիլի. /Նովոստի–Արմենիա/. Հայաստանի վարչապետ Հովիկ Աբրահամյանը կիրակի լրագրողներին ասաց, որ անհրաժեշտության դեպքում պատրաստ է իր ունեցվածքը զոհաբերել բանակի և պետության կարիքներին։

«Եթե դրա անհրաժեշտությունը լինի, ապա ես պատրաստ եմ, բայց մեր պետությունը բանակի զինման ֆինանսական խնդիրներ չունի»,– ասաց նա։

Ապրիլի 2–ից 5–ն ադրբեջանական ԶՈՒ–ն ղարաբաղաադրբեջանական շփման գծի հարավային, հարավարևելյան և հյուսիսարևելյան ուղղություններով ձեռնարկել է բացահայտ հարձակողական գործողություններ` հրետանիով, զրահապատ տրանսպորտային միջոցներով և ավիացիայով: ԼՂՀ պաշտպանության բանակը հաջողությամբ ճնշել է հակառակորդի գործողությունները` հասցնելով մեծ վնասներ։-0-