ՀՀ նախագահը մեկնել է Նիդեռլանդներ

ԵՐԵՎԱՆ, 19 հոկտեմբերի. /Նովոստի–Արմենիա/. Նախագահ Սերժ Սարգսյանն այսօր երեկոյան աշխատանքային այցով մեկնել է Նիդեռլանդների Թագավորություն, հայտնում է երկրի նախագահի մամուլի ծառայությունը։

Սարգսյանը Նիդեռլանդներում կմասնակցի հոկտեմբերի 20-ին Մաաստրիխտում կայանալիք Եվրոպական ժողովրդական կուսակցության (ԵԺԿ) գագաթնաժողովին:

Գագաթնաժողովին հրավիրված են` Եվրոպական միության և Արևելյան գործընկերության անդամ երկրներից ԵԺԿ-ին անդամակցող կուսակցությունները ներկայացնող պետությունների և կառավարությունների ղեկավարները:

ԵԺԿ–ն ներկայացված է ԵՄ–ի բոլոր քաղաքական ինստիտուտներում, ինչպես նաև Եվրոպայի Խորհրդում։ Հայկական երեք կուսակցությունները` ՀՀԿ–ն , ՕԵԿ–ն ու «Ժառանգությունը» 2012 թ.–ի փետրվարի 10–ին ԵԺԿ–ում դիտորդի կարգավիճակ են ստացել։–0–