ԵՐԵՎԱՆ, 24 մայիսի. /Նովոստի–Արմենիա/. Կրթության, գիտության, մշակույթի և սպորտի նախարարությունում քննարկվում են փոխնախարարի պաշտոնի թեկնածությունները։
Մշակույթի ոլորտում պետք է լինի 2 փոխնախարար։
Ինչպես գրում է «Հրապարակ» թերթը, մշակույթի փոխնախարարի պաշտոնի համար առավել հավանական է «Իմ քայլը» դաշինքի պատգամավոր Նարինե Թուխիկյանի թեկնածությունը:
Պատգամավորը թերթին չի հերքել այդ տեղեկությունը, բայց նշել է, որ վերջնական որոշում դեռ չկա ո՛չ իր կողմից, ո՛չ կառավարության։ Նա նաև ավելացրել է, որ եթե որոշի տեղափոխվել, ապա աշխատանքի հետ կապված հարցեր պետք է ճշտի, որից էլ կախված է` կորոշի տեղափոխվե՞լ, թե՞ ոչ։
«Եթե իմ պատկերացումները և կառավարության կամ նախարարի պատկերացումները նույն ուղղության են, մեր տեսլականը մեծ հաշվով նույնն է, այդ դեպքում չի բացառվում։ Այդ հարցերը դեռ բաց են, դրա համար եմ ասում, որ վերջնական չէ»,– եզրափակել է Թուխիկյանը, գրում է պարբերականը։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում