ԵՐԵՎԱՆ, 21 մարտի. /Նովոստի–Ամենիա/. Հայաստանի խորհրդարանը չորեքշաբթի երկրորդ և վերջնական ընթերցմամբ ընդունեց «Տեղական տուրքերի և վճարների մասին» օրենքի մի շարք հարակից օրենքների լրացումներ, որոնցով նախատեսվում է հրավառությունների սահմանափակումը։
Ինչպես նշեց Երևանի առաջին փոխքաղաքապետ Կամո Արեյանը, օրենքով կարգավորվում է հրավառության կազակերպման և գործարկման հարցը, ինչի համար երկրում սահմանվում է հրավառությունների գործարկման թույլտվություն ստանալու անհրաժեշտությունը։
«Այսօր երկրի բազմաթիվ բնակիչներ դժգոհում են ինքնահաճ հրավառություններից, որոնք տարբեր առիթներով գործարկվում են Հայաստանում, այդ թվում, գիշերային ժամերին, իսկ դա խախտում է քաղաքացիների անդորրն ու տեխնիկական անվտանգության նորմերը»,– ասաց Արեյանը։
Ըստ նրա, նմանատիպ իրավիճակներից խուսափելու համար որոշում է ընդունվել կանոնակարգել հրավառությունների օգտագործման հարցը և հատուկ թույլտվություններ տրամադրել դրանց համար, որոնք հնարավոր կլինի ստանալ տեղական ինքնակառավարման մարմիններում` վճարելով համապատասխան տուրք։
Նա նշեց, որ հրավառություն գործարկելու թույլտվություն ստանալու համար կպահանջվի ստանալ 50 հազար դրամից ($104) մինչև 300 հազար դրամի ($623) տուրք։ Թույլտվությունը թույլ կտա տարվա ընթացքում անսահմանափակ թվով հրավառություն գործարկել` բացառությամբ գիշերային ժամերի (ժամը 23:00–ից մինչև 7:00)։
Միաժամանակ, եթե հրավառությունը գորխարկվի առանց համապատասխան թույլտվության կամ պահանջների խախտմամբ, ապա դրա կազմակերպչին սկզբում 1 մլն դրամի (մոտ $2 հազ), իսկ տարվա ընթացքում կրկնակի խախտման դեպքում` 2 մլն դրամի ($4158) տուգանք է սպառնում։
Загружается новость ...
"Право"
Օրենքով նաև կարգավորվում է, որ հրավառությունների կազմակերպման վայրերն ու տեխնիկական պահանջները կսահմանվեն համայնքների ավագանիների խորհրդի կողմից, սակայն, միաժամանակ, սահմանափակումներ կգործեն։
Մասնավորապես, հրավառությունները հնարավոր չի լինի գործարկել բնակելի, բազմաբնակարան շենքերի, սոցիալական օբյեկտների, ջրատարների, տրանսպորտային հանգույցների, մետրոպոլիտենի, մշակութային հուշարձանների և թանգարանների հարևանությամբ։
Կնշվի նաև այն հեռավորությունը, որի վրա պետք է գործարկվեն հրավառությունները (35-50 метров), հակառակ դեպքում անհրաժեշտ կլինի ներկայացնել հարակից տարածքի բնակիչների թույլտվությունը։
Օրենքի վերջնական տարբերակում նաև նախատեսվում է, որ այսուհետ ֆիզիկական անձանց արգելվում է հրավառություն և դրանց համար նախատեսված պայթուցիկ նյութեր վաճառել։ Օրենքի այս դրույթի խախտման դեպքում նախատեսվում են վարչական տուգանքներ։ -0-
