ԵՐԵՎԱՆ, 14 հունիսի. /Նովոստի-Արմենիա/. Հայաստանյան պաշտոնյաներից քչերն են իրենց անունով հանդես գալիս սոցցանցերում. նրանցից շատերը «ֆեյքերով» են գործում, գրում է «Հրապարակ» թերթը:
Թերթի հաղորդմամբ, երկրի առաջին դեմքը` Սերժ Սարգսյանը, բավականին ակտիվ, սակայն «անտեսանելի» օգտատեր է:
Ինչպես նշում է թերթը, հղում անելով իր սեփական աղբյուրներին, Հայաստանի նախագահն iPad-ը ձեռքից ցած չի դնում:
Միևնույն ժամանակ թերթը նշում է, որ ԱԺ խոսնակ Գալուստ Սահակյանը սոցցանցերում չի «երևում», նա որևէ սոցցանցում գրանցված չէ, որևէ էջ նրա անունով բացված չէ, և որևէ մեկը նրա էջը չի վարում:
«Որովհետև ԱԺ-ն աշխատում է շատ հրապարակային, ու դրա անհրաժեշտությունը չկա (սոցցանցում գրանցվելու. խմբ.)», - պարզաբանել է ԱԺ նախագահի մամուլի խոսնակ Արսեն Բաբայանը:
Թերթի այն հարցին, թե, արդյո՞ք, դա նշանակում է, որ հայկական խորհրդարանն աշխատում է ԱՄՆ նախագահ Օբամայից էլ բաց, ով Facebook-ում էջ ունի, հայ մամուլի քարտուղարը նշել է, որ «անհատական մոտեցման խնդիր է»:
Ընդ որում, Բաբայանն ավելացրել է, որ եթե սոցցանցում կա բարձրացված այնպիսի հարց, որն առնչվում է ԱԺ-ին և ԱԺ նախագահին, Սահակյանն անպայման տեղեկացվում է: -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում
