Գազային փորձություններ. հայտնի է Փաշինյան–Պուտին առաջիկա հանդիպման ամսաթիվը

11:48

21 Դեկտեմբերի 2018

ԵՐԵՎԱՆ, 21 դեկտեմբերի. /Նովոստի–Արմենիա/. Հայաստանի վարչապետի պաշտոնակատար Նիկոլ Փաշինյանը դեկտեմբերի 27–ին կմեկնի Մոսկվա, որտեղ ծրագրված է նրա հանդիպումը Վլադիմիր Պուտինի հետ, գրում է «Ժողովուրդ» թերթը։

Պարբերականը հիշեցնում է, որ նախօրեին Պուտինը մամուլի ասուլիսում խոսել է Հայաստանի հետ հարաբերությունների մասին և, մասնավորապես, նշել է, որ Հայաստաը Ռուսաստանի ամենամտերիմ գործընկերն է Անդրկովկասում, Ռուսաստանի ռազմավարական գործընկերն է ոչ միայն տարածաշրւանում, այլ նաև աշխարհում, ՀԱՊԿ և ԵՏՄ անդամ է, ընդգծելով, որ «մենք պետք է զարգացնենք այն, ինչ ունենք»։

«Փաշինյան–Պուտին հանդիպումն ուշագրավ է նաև մեկ այլ առումով. Դեկտեմբերի 31–ին լրանում է ռուսական գազի մատակարարման պայմանագրի գործողության ժամկետը»,– ասվում է գրառման մեջ։

2016 թվականի ապրիլի սկզբին Հայաստանը և Ռուսաստանը ստորագրել են միջկառավարական համաձայնագիր, ըստ որի, Ռուսաստանը նվազեցրել է Հայաստանին մատակարարվող գազի գինը (սահմանում)165 դոլարից մինչև 150 դոլար հազար խմ–ի դիմաց։

Загружается новость ... "Лево"

«Եվ այժմ հայ և ռուս առաջնորդները պետք է կրկին համաձայնության գան գազի գնի շուրջ։ Այդ հանդիպումը, փաստորեն, կլինի առաջին լուրջ փորձությունը Փաշինյանի համար` արդյո՞ք կհաջողվի պայմանավորվածություն ձեռք բերել գազի սակագինն առնվազն անփոփոխ թողնելու մասին, եթե հաշվի առնենք այն փաստը, որ այն սահմանվել է դեռ նախկին իշխանությունների օրոք, ու եկել է ժամանակը վերանայելու պայմանագրերը»,– ասվում է հոդվածում։

Թերթի աղբյուրները պնդում են, որ, ամենայն հավանականությամբ, սահմանում գինն անփոփոխ կմնա։

«Ավելին, տեսակետ կա, որ, ամեն դեպքում, շառ բան կախված է նաև Պուտին–Փաշինյան հարաբերություններից, որոնք բավականին ջերմ են»,– ասվում է հոդվածում։ -0-

Ծանոթացեք լուրերին առաջինն ու քննարկեք դրանք մեր Telegram-յան ալիքում

#Հայաստան #գազ #Փաշինյան #Պուտին #հանդիպում

Թեմատիկ նյութեր