Ես ձեզ պատերով կտամ, այդտեղից ձեր քաղաքական դիակի մնացորդները դուրս կհանեն, ես ձեզ ոտի տակ կտամ․ Փաշինյանը՝ երեք նախկին նախագահներին (ՎԻԴԵՈ)
ԵՐԵՎԱՆ, 27 մարտի․/Նովոստի–Արմենիա/․ ՀՀ վարչապետ Նիկոլ Փաշինյանը կրկին հրավիրել է ՀՀ երեք նախկին նախագահներին բանավիճելու։
«Երեք հատ մտքի տիտաններ ասում են՝ ես էսօր գործ ունեմ, այն մեկն ասում է՝ մենք իր հետ բանավիճելու բան չունենք: Հետո իրենց երեխաներին, թոռներին, ծոռներին, խնամիներին, հարսներին, բաջանաղների, ղրկում են ասուլիսներ տալու: Արա, եթե բան չկա բանավիճելու, վեր ընկեք տեղներդ, ձեններդ կտրեք։ Եթե բանավիճում եք, եկեք խոսանք։ Ես ասում եմ՝ ես ձեզ հետ չեմ բանավիճի, ես ձեզ պատերով կտամ և այդտեղից ձեր քաղաքական դիակի մնացորդները դուրս կհանեն: Երեքիդ էլ վերաբերվում է, հերիք է ներվերներիս հետ խաղաք։ Ես ձեզ ոտի տակ կտամ, ոչ թե ձեզ հետ կբանավիճեմ։ Եվ գիտեն իրենք դա, դրա համար էլ չեն գալիս: Հեսա էս պահից սկսած երեխեքը, թոռները, ծոռները, հարսները, բաջանաղները, աներձագները, քենիները, սկսվելու է: Ասում եմ՝ կամ վեր եք ընկնում, ձայներդ կտրում եք, այդ թեմայով չեք խոսում, կամ էլ գնում ենք ուղիղ եթերում բանավիճելու: Ուրիշ տարբերակ չկա։ Սրանից հետո խոսակցությունը լինելու է սենց. հենց իրենց շեստյորկեքից մեկը ձեն հանեց, ասելու եմ՝ ձեներդ կտրեք, գնացեք ձեր քաղաքական լիդերներին ասեք, բան ունեն ասելու, թող գան խոսալու, գնում ենք ուղիղ եթերում խոսում ենք», – ասաց Փաշինյանը նախօրեին ԱԺ–ում կառավարության հարցուպատասխանի ժամանակ։
Ավելի վաղ Փաշինյանը կրկին հայտարարել էր, որ բանակցային գործընթացն ի սկզբանե գնում էր Ղարաբաղն Ադրբեջանի կազմ վերադարձնելու շուրջ և չորրորդ անգամ նշել է, որ պատրաստ է այս հարցի շուրջ բանավիճել ՀՀ նախկին նախագահների հետ։
