ԵՐԵՎԱՆ, 23 ապրիլի. /Նովոստի–Արմենիա/. Հայաստանի խորհրդարանը երկուշաբթի առաջին ընթերցմամբ ընդունեց 2008 թվականի մարտի 1-2–ի իրադարձությունների ընթացքում տուժածներին փոխհատուցում տրամադրելու մասին պատգամավորների առաջարկին։
Օրինագծի համահեղինակ, Հայաստանի ԱԺ փոխխոսնակ Լենա Նազարյանի խոսքով, փոխհատուցումը տրվում է իրադարձություններում ստացված վնասվածքներից զոհված անձանց իրավահաջորդներին և միջին ու ծանր վնասվածքներ ստացած անձանց։
«Հասկանալի է, որ մենք չենք փոխհատուցում այն կորուստները, որոնք կրել են քաղաքացիները մարտի 1–ի իրադարձությունների ժամանակ։ Մենք չենք վերադարձնում կորցրած առողջությունը, չենք բուժում զոհվածների ընտանիքների ցավը` դա քայլ է հանրային հանդուրժողականության ճանապարհին»,– ասաց Նազարյանը։
Նշվել է, որ մարտի 1–2–ի իրադարձությունների հետևանքով վնասվածքներ է ստացել 63 մարդ, որոնցից 13–ը` շարքային քաղաքացիներ, 20–ը` ոստիկաններ, մեկ պայմանագրային զինծառայող, 29–ը` ոստիկանության ներքին զորքերի ծառայողներ։ Օժանդակությունը կարող է լինել ոչ միայն ֆինանսական, այլ նաև բժշկական կամ հոգեբանական օգնության տեսքով։
Նրա խոսքով, փոխհատուցումների չափը հայտնի չէ, և այդ հարցով քննարկումներ կանցկացվեն կառավարությունում։ Փոխհատուցում ստանալու հիմք կծառայեն դատաբժշկական տեղեկանքները, որոնք 2008 թվականին պետք է ստանային տուժածները։
Загружается новость ... "Лево"
«Կառավարությանը երեք ամիս կտրամադրվի փոխհատուցումների կարգի, ժամկետների և չափերի սահմանման համար, ինչից հետո ծրագրվում է, որ դիմումներ կընդունվեն երեք տարվա ընթացքում»,– ասաց նա։
Նա միաժամանակ նշեց, որ տասը տարի առաջ ոչ բոլոր տուժածներն են փոխհատուցում ստացել, քանի որ նախորդ իշխանություններն ընտրողաբար են մոտեցել տուժածներին որոշելու հարցում։
Ինչ վերաբերում է այդ ժամանակահատվածում արտագաղթած քաղաքացիներին, ապա, փոխխոսնակի խոսքով, նրանք իրենք պիտի որոշեն` դիմել փոխհատուցում ստանալու համար, թե ոչ։
Հայաստանի արդարադատության նախարար Արտակ Զեյնալյանն իր հերթին նշեց, որ տուժածների թիվը պայմանական է, և այն կարող է աճել, քանի որ բախումների ժամանակ վնասվածք ստացածներից շատերը հաշվառման չեն կանգնել։ -0-