ԵՐԵՎԱՆ, 14 փետրվարի. /Նովոստի–Արմենիա/. Հայտնի է դարձել, թե ովքեր են «Ելք» դաշինքի համամասնական ցուցակի առաջին եռյակում, գրում է
yerkir.am–ը։
«Դաշինքի մեջ մտնող երեք կուսակցությունները ընտրեցին ոչ թե իրենց կուսակցության թեկնածուին, այլ գործընկեր կուսակցության ներկայացրած թեկնածուին, որից հետո տեղի ունեցավ հաշվարկ»,– ասվում է հրապարակման մեջ։
«Հանրապետություն», «Քաղաքացիական պայմանագիր», «Լուսավոր Հայաստան» կուսակցությունների` մեկ դաշինքում միավորված առաջնորդները նշեցին, որ իրենց համար էական չէ, թե ով կգլխավորի ցուցակը, ով կլինի երկրորդ և երրորդ տեղերում:
«Ելք» դաշինքի համամասնական ցուցակը գլխավորեց «Լուսավոր Հայաստան» կուսակցության նախագահ Էդմոն Մարուքյանը։
Երկրորդ հորիզոնականում ընտրվեց «Հանրապետություն» կուսակցության նախագահ Արամ Սարգսյանը, իսկ ՔՊ նախագահ Նիկոլ Փաշինյանը եզրափակեց եռյակը: -0-