Դմիտրի Մեդվեդևն աջակցություն է հայտնել բարեկամ հայ ժողովրդին

24.04.2018, 10:32
Նախօրեին հեռախոսազրույց է տեղի ունեցել ՀՀ վարչապետի պաշտոնակատար Կարեն Կարապետյանի և ՌԴ վարչապետ Դմիտրի Մեդվեդևի միջև:
Դմիտրի Մեդվեդևն աջակցություն է հայտնել բարեկամ հայ ժողովրդին
ԵՐԵՎԱՆ, 24 ապրիլի. /Նովոստի–Արմենիա/. Նախօրեին հեռախոսազրույց է տեղի ունեցել ՀՀ վարչապետի պաշտոնակատար Կարեն Կարապետյանի և ՌԴ վարչապետ Դմիտրի Մեդվեդևի միջև, հայտնում է Հայաստանի վարչապետի մամուլի ծառայությունը։

Ըստ հաղորդման, հեռախոսազրույցը տեղի է ունեցել ռուսական կողմի նախաձեռնությամբ ։

Երկու կառավարությունների ղեկավարները քննարկել են հայ-ռուսական հարաբերությունների ընթացիկ հարցերը և Հայաստանում տեղի ունեցող իրադարձությունները:

Դմիտրի Մեդվեդևն աջակցություն է հայտնել բարեկամ հայ ժողովրդին և ընդգծել սահմանադրական իրավական դաշտում իրավիճակի պահպանման կարևորությունը:

«Զրույցի ընթացքում նաև անդրադարձ է կատարվել Եվրասիական տնտեսական միության շրջանակներում ինտեգրացիոն փոխգործակցությանը վերաբերող հարցերին»,– ասվում է հաղորդման մեջ։ -0-