Չորեքշաբթի` հունիսի 1–ի առավել ուշագրավ նորությունները
02.06.2016,
08:00
«Նովոստի–Արմենիա» գործակալությունը ներկայացնում է չորեքշաբթի` հունիսի 1–ի առավել ուշագրավ նորությունների սեփական տարբերակը։
ԵՐԵՎԱՆ, 2 հունիսի. /Նովոստի–Արմենիա/. «Նովոստի–Արմենիա» գործակալությունը ներկայացնում է չորեքշաբթի` հունիսի 1–ի առավել ուշագրավ նորությունների սեփական տարբերակը։
- Վանաձոր քաղաքի Տերյան փողոցի 14 շենքի բնակարաններից մեկում 2 տարեկան տղան օրորոցից վայր է ընկել և մահացել։
- Դորտմունդի «Բորուսիայի» կիսապաշտպան Հենրիխ Մխիթարյանը մայիսի 29-ին տեղի ունեցած Գվատեմալայի հետ ընկերական խաղի ժամանակ Հայաստանի հավաքականի պատմության մեջ առաջին անգամ ոչ միայն դարձել է հեթ-թրիկի հեղինակ, այլ նաև հավաքականի կազմում խփած գոլերի թիվը հասցրել է 19-ի:
- Նախօրեին Չարենցի, Վարդանանց և Նարդոս փողոցների խաչմերուկում վիճաբանություն է տեղի ունեցել մի խումբ երիտասարդների միջև։ Վիճաբանության հետևանքով մեկ մարդ տեղափոխվել է «Արամյանց» բժշկական կենտրոն: Հիվանդանոց տեղափոխված տղամարդը, գիտակցության չգալով, մահացել է։
- Համահայկական VII ամառային խաղերը տեղի կունենան Լեռնային Ղարաբաղի Հանրապետությունում:
- Մայիսի 31–ին ժամը 04։00–ի սահմաններում Լոռու մարզի հոգենյարդաբանական դիսպանսերում հարկադիր բուժում ստացող 3 հիվանդներ սավանները կապելու միջոցով փորձել են դիմել փախուստի։ -0-
Պատճենել հղումը
