ԵՐԵՎԱՆ, 1 դեկտեմբերի. /Նովոստի–Արմենիա/. ՀՀ առողջապահության նախարար Լևոն Ալթունյանը Հայաստանում Չինաստանի Ժողովրդական Հանրապետության արտակարգ և լիազոր դեսպան Թիան Էրլուի հետ հանդիպմանը շնորհակալություն է հայտնել շտապ օգնության 200 մեքենա տրամադրելու պատրաստակամության մասին։
«Դրա շնորհիվ կկարողանանք լիովին լուծել մեր երկրի շտապ օգնության ծառայությունում առկա խնդիրները»,-ասել է նախարարը` ընդգծելով, որ ինչպես նախկինում, այնպես էլ առաջիկայում ստացված մեքենաների զգալի մասը կաշխատեն մարզերում»,– ասել է նախարարը, ընդգծելով, որ դրանց մեծ մասը կաշխատի մարզերում։
Ինչպես հայտնում է առողջապահության նախարարության մամուլի ծառայությունը, նախարարը բարձր է գնահատել առողջապահության բնագավառում երկու երկրի համագործակցությունը։
Առանձնակի կարևորվել են 2011թ. Հայաստանին շտապ օգնության 88 մեքենայի տրամադրումը և Չինաստանում հայ բժիշկների, առողջապահության կազմակերպիչների, դեղագետներիվերապատրաստումը, այդ թվում ավանդական բժշկության ուղղությամբ:
Թիան Էրլուն նշել է, որ չինական կողմը պատրաստ է աջակցելու նաև հեռաբժշկության ոլորտում` ապահովելով մասնագիտական խորհրդատվություն։
Երկուստեք կարևորվել է առողջապահության ոլորտում համագործակցության զարգացումն ու ընդլայնումը։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում
