Brussels Airlines-ը վերսկսում է կանոնավոր չվերթերը դեպի Երևան
19.03.2018,
13:36
Brussels Airlines բելգիական ավիաընկերությունը ստացել է թույլտվություն՝ հունիսի 2-ից Բրյուսել-Երևան-Բրյուսել երթուղով կանոնավոր չվերթներ իրականացնելու համար:
![Brussels Airlines-ը վերսկսում է կանոնավոր չվերթերը դեպի Երևան Brussels Airlines-ը վերսկսում է կանոնավոր չվերթերը դեպի Երևան](/upload/iblock/07b/2huzooomuro8q53cbs3mwefiew3dxnh6.jpg)
ԵՐԵՎԱՆ, 19 մարտի. /Նովոստի Արմենիա/. Brussels Airlines բելգիական ավիաընկերությունը Հայաստանի Հանրապետության կառավարությանն առընթեր քաղաքացիական ավիացիայի գլխավոր վարչության կողմից ստացել է թույլտվություն՝ հունիսի 2-ից Բրյուսել-Երևան-Բրյուսել երթուղով կանոնավոր չվերթներ իրականացնելու համար:
Загружается новость ... "Лево"
Ինչպես հայտնում է ՀՀ քաղավիացիայի գլխավոր վարչության մամուլի ծառայությունը, հունիսի 2-ից հուլիսի 2-ը, ինչպես նաև օգոստոսի 29-ից հոկտեմբերի 27-ն ընկած ժամանակահատվածում չվերթները կիրականացվեն շաբաթական մեկ չվերթ հաճախականությամբ՝ յուրաքանչյուր շաբաթ, իսկ հուլիսի 3-ից օգոստոսի 28-ն ընկած ժամանակահատվածում չվերթները կիրականացվեն շաբաթական 2 չվերթ հաճախականությամբ՝ յուրաքանչյուր երեքշաբթի և շաբաթ օրերին:
Տարածված հաղորդագրությունում նշվում է, որ ՀՀ կառավարությանն առընթեր քաղաքացիական ավիացիայի գլխավոր վարչության պետ Սերգեյ Ավետիսյանը սույն թվականի փետրվարի 28-ին ընդունել էր Brussels Airlines ավիաընկերության փոխնախագահ պարոն Հերման Կարպենտյերի գլխավորած պատվիրակությանը: Հանդիպման ընթացքում քննարկվել էր ավիաընկերության կողմից Բրյուսել-Երևան-Բրյուսել երթուղու շահագործման վերսկսման հարցը:-0-