ԵՐԵՎԱՆ, 8 նոյեմբերի․ /Նովոստի-Արմենիա/․ ՀՀ նախագահ Արմեն Սարգսյանը աշխատանքից ազատել է Ազգային անվտանգության ծառայության տնօրենի տեղակալ և տնօրենի ժամանակավոր պաշտոնակատար Միքայել Համբարձումյանին: Համապատասխան հրամանագիրը հրապարակվել է նախագահի կայքում:
Նշվում է, որ համապատասխան առաջարկով հանդես է եկել ՀՀ վարչապետ Նիկոլ Փաշինյանը:
Հրաժարականի պատճառը չի նշվել:
Նախագահի ստորագրած մեկ այլ հրամանագրով Արմեն Աբազյանը ազատվել է Հայաստանի Հանրապետության ազգային անվտանգության ծառայության տնօրենի տեղակալի պաշտոնից և նշանակվել Հայաստանի Հանրապետության ազգային անվտանգության ծառայության տնօրենի պաշտոնում։-0-