Արցախում զոհվածների ընտանիքները կապահովվեն կայուն եկամտով

ԵՐԵՎԱՆ, 15 ապրիլի. /Նովոստի–Արմենիա/. Հայաստանի վարչապետ Հովիկ Աբրահամյանը կառավարության նիստում ուրբաթ հանձնարարել է էկոնոմիկայի նախարար Արծվիկ Մինասյանին Ղարաբաղում զոհված զինծառայողների ընտանիքների համար կայուն եկամուտ ստեղծելու առաջարկներ մշակել։

«Անհրաժեշտ է ներկայացնել Ղարաբաղում մարտական գործողությունների հետևանքով զոհված զինծառայողների ընտանիքներին կայուն եկամուտ ապահովելու աղբյուր ստեղծելու համալիր առաջարկություններ»,– ասել է Աբրահամյանը։

Grant Thornton Armenia ընկերությունը հասցեական աջակցություն կցուցաբերի Արցախում զոհված զինվորի երեխաներին>>

Ըստ նրա, այս աշխատանքներն անհրաժեշտ է ավարտել առավելագույնս կարճ ժամկետներում և ներկայացնել կառավարության դիտարկմանը` ֆինանսավորման աղբյուրների մատնանշմամբ։

Ապրիլի 2–ից 5–ն ադրբեջանական ԶՈՒ–ն ղարաբաղաադրբեջանական շփման գծի հարավային, հարավարևելյան և հյուսիսարևելյան ուղղություններով ձեռնարկել է բացահայտ հարձակվողական գործողություններ` հրետանիով, զրահապատ տրանսպորտային միջոցներով և ավիացիայով: ԼՂՀ պաշտպանության բանակը հաջողությամբ ճնշել է հակառակորդի գործողությունները` հասցնելով մեծ վնասներ։ –0–