Արարատյան դաշտավայրը ցրտահարության վտանգի առջև է հայտնվել

ԵՐԵՎԱՆ, 14 մարտի. /Նովոստի–Արմենիա/. Տավուշի և Սյունիքի մարզերի հովիտներում և Արարատյան դաշտավայրում մարտի 18-19–ին օդի ջերմաստիճանը կնվազի մինչև 2-3 աստիճան ցուրտ և 4-5 աստիճան ցուրտ հողի մակերևույթին, հայտնում է Հայհիդրոմետկենտրոնը։

Օդի ջերմաստիճանը մարտի 15-18–ին աստիճանաբար կնվազի 10-12 աստիճանով։ Ամենացածր ջերմաստիճանները սպասվում են Շիրակի, Կոտայքի, Գեղարքունիքի մարզերում, ինչպես նաև Արագածոտնի և Վայոց Ձորի լեռնային շրջաններում։ Այդ մարզերում սնդիկի սյունը կնվազի մինչև 7-12 աստիճան ցուրտ։

Մարտի 18-19–ի գիշերը ջերմաստիճանը մինչև մինուս երկու աստիճան կնվազի նաև Երևանում։ Մայրաքաղաքում առաջիկա հինգ օրերին ցերեկային ժամերին օդի ջերմաստիճանը կտատանվի 8-12 աստիճան տաքության սահմաններում։

Միաժամանակ, ձյան տեսքով տեղումներ են սպասվում մարտի 15–ին Հայաստանի մի շարք մարզերի լեռնային շրջաններում, մարտի 16-17–ին` Լոռու, Տավուշի, Սյունիքի մարզերում և Արցախում, իսկ մարտի 18-19–ին սպասվում է առանց տեղումների եղանակ։

Քամին կլինի հյուսիս–արևմտյան` 2-7 մետր վայրկյան արագությամբ, մարտի 15–ին սպասվում է քամու ուժգնացում` մինչև 15-21 մետր վայրկան։ -0-