ԵՐԵՎԱՆ, 17 մայիսի. /Նովոստի–Արմենիա/. Ադրբեջանը հասկանում է, որ առանց ղարաբաղյան կողմի իրական բանակցություններ հնարավոր չեն, երեքշաբթի լրագրողներին ասաց «Ժառանգություն» ընդդիմադիր կուսակցության պատգամավոր Թևան Պողոսյանը։
«Բաքուն քաջ գիտակցում է, որ առանց Արցախի այդ հարցը չի լուծվի և, քանի դեռ ԼՂՀ–ն բանակցությունների սեղանի շուրջ չէ, Ադրբեջանը շարունակելու է ձգտել խնդիրը լուծել ռազմական ճանապարհով»,– ասաց Պողոսյանը։
Պողոսյանը նշեց, որ այն օրը, երբ Ադրբեջանի և Արցախի ներկայացուցիչները նստեն բանակցությունների սեղանի շուրջ, կարելի կլինի նշել խնդրի լուծմանն ուղղված բանակցային գործընթացի մեկնարկը։
Ըստ նրա, ներկայում անհրաժեշտ է զանազանել երկու հասկացություններ` «հանդիպում» և «բանակցություններ», քանի որ հասարակությունում կարծրատիպ կա, որի համաձայն, Հայաստանի և Ադրբեջանի հանդիպումներից հետո ինչ–որ կոնկրետ հայտարարություններ կարվեն։
Սերժ Սարգսյանի և Իլհամ Ալիևի հանդիպումը կայացել է նախօրեի երեկոյան Ավստրիայի մայրաքաղաքում Ռուսաստանի և ԱՄՆ արտաքին քաղաքական գերատեսչությունների ղեկավարներ Սերգեյ Լավրովի և Ջոն Քերիի, Ֆրանսիայի եվրոպական գործերի պետնախարար Արլեմ Դեզիղի, ինչպես նաև ԱՄՆ պետքարտուղարի տեղակալ Վիկտորիա Նուլանդի, Մինսկի խմբի համանախագահներ Իգոր Պոպովի (Ռուսաստան), Ջեյմս Ուորլիքի (ԱՄՆ), Պիեր Անդրիեի (Ֆրանսիա) և ԵԱՀԿ գործող նախագահի անձնական ներկայացուցիչ Անջեյ Կասպրշիկի մասնակցությամբ։
«Այլ հարցերի, բայց ոչ Ղարբաղի հարցի լուծման թեմային նվիրված նմանատիպ հանդիպումներ կշարունակվեն դեռ տևական ժամանակ։ Մի կողմից լավ է, որ ընդունվել են հայտարարություններ, որոնց մասին խոսք է եղել։ Մասնավորապես, պատահարների հետաքննության մեխանիզմների ներդրումը, հրադադարի ռեժիմի պահպանումը, ինչպես նաև վստահության մթնոլորտի բարձրացման ուղղությամբ որոշակի քայլեր, խոսքը գնում է անհետ կորածների մասին»,– նշեց նա։
Ըստ էության, ոչինչ չի փոխվել, ասաց Պողոսյանը,
հայտնի է միայն հաջորդ հանդիպման ամսաթիվը, և այդ հանդիպմանը քննարկվելում է ղարաբաղյան հարցի շուրջ բանակցությունների հնարավորությունը։
Ապրիլի 2–ից 5–ն ադրբեջանական ԶՈՒ–ն ղարաբաղաադրբեջանական շփման գծի հարավային, հարավարևելյան և հյուսիսարևելյան ուղղություններով ձեռնարկել է բացահայտ հարձակվողական գործողություններ` հրետանիով, զրահապատ տրանսպորտային միջոցներով և ավիացիայով: ԼՂՀ պաշտպանության բանակը հաջողությամբ ճնշել է հակառակորդի գործողությունները` հասցնելով մեծ վնասներ։
-0--
