Այսօր թույլ ձյուն է սպասվում. ջերմաստիճանը կնվազի 2-4 աստիճանով

ԵՐԵՎԱՆ, 2 փետրվարի. /Նովոստի–Արմենիա/. Հայաստանի շրջանների մեծ մասում և մայրաքաղաքում փետրվարի 2-ի ցերեկը սպասվում է թույլ ձյուն, հայտնում է Հայաստանի ՏԿԱԻՆ մամուլի ծառայությունը։

Ինչպես նշվում է հաղորդման մեջ, հանրապետության տարածքում փետրվարի 2-ի գիշերը, ինչպես նաև փետրվարի 3–6-ին սպասվում է առանց տեղումների եղանակ, տեղեկացնում է ՀՀ ՏԿԱԻՆ մամուլի ծառայությունը։

Քամին` հյուսիս-արևմտյան` 5-10 մ/վրկ արագությամբ:

Օդի ջերմաստիճանը 2-ի ցերեկը և 3-ի գիշերը կնվազի 2-4 աստիճանով, այնուհետև աստիճանաբար կբարձրանա 4-6 աստիճանով: -0-