«Ադրբեջանն ագրեսոր է». Երևանում կազմակերպվել է երթ՝ ի աջակցություն Արցախի

ԵՐԵՎԱՆ, 13 դեկտեմբերի./Նովոստի-Արմենիա/. Երևանում կազմակերպվել է երթ՝ ի աջակցություն Արցախի: Երթի մասնակիցները վանկարկում են «Ադրբեջանն ագրեսոր է»:

Երթի մասնակիցները շարժվում են դեպի ՀՀ-ում ՄԱԿ-ի գրասենյակ, որպեսզի իրենց բողոքը հայտնեն Ադրբեջանի կողմից Արցախի 120 հազար բնակիչներին շրջափակելու դեմ:

Ադրբեջանական հերթական սադրանքի հետևանքով Արցախի Հանրապետությունը հայտնվել է շրջափակման մեջ է և ոտնահարված են հազարավոր քաղաքացիների իրավունքները։

Դեկտեմբերի 12-ին ժամը 10։30-ի սահմաններում, ադրբեջանական կողմը խախտելով 2020 թվականի նոյեմբերի 9-ի եռակողմ համաձայնագրի դրույթները, բնապահպանական պատճառաբանություններով փակել է Արցախն աշխարհին կապող կյանքի միակ ճանապարհը, ոտնահարելով քաղաքացիական բնակչության կենսական շահերն ու իրավունքները:-0-