540.61
6.49
479.14
-7
Եղանակը Երևանում
Հայ

Երևանը ՌԴ–ից ակնկալում է դիվանագիտական և ռազմական օգնություն Ադրբեջանի ագրեսիայից հետո. ԱԽ քարտուղար

16:14
17 Նոյեմբերի 2021

ԵՐԵՎԱՆ, 17 նոյեմբերի./Նովոստի–Արմենիա/. Հայաստանի իշխանություններն ակնկալում են, որ Ռուսաստանը՝ որպես ռազմավարական գործընկեր, կօգնի լուծել երկու պետությունների սահմանային խնդիրը Ադրբեջանի վերջին գործողություններից հետո։ Այս մասին «Կոմերսանտ»-ին ասել է Հայաստանի Անվտանգության խորհրդի քարտուղար Արմեն Գրիգորյանը Մոսկվայում ընթացող ԱՊՀ երկրների անվտանգության ուժայինների նիստի շրջանակում։

Այսպես է նա պատասխանել այն հարցին, թե 1997 թվականի համաձայնագրի շրջանակներում Հայաստանն ինչ օգնություն է ակնկալում Մոսկվային դիմելիս։

Երեքշաբթի Գրիգորյանը հայտարարել էր, որ Հայաստանը դիմել է Ռուսաստանին` կոչ անելով «պաշտպանել Հայաստանի տարածքային ամբողջականությունը»։ «Նախապատրաստվում է գրավոր դիմում»,- ասել էր նա։

«Այժմ Ադրբեջանի զինված ուժերը գտնվում են Հայաստանի ինքնիշխան տարածքում։ Սա ագրեսիայի ակտ է։ 1997 թվականին Հայաստանն ու Ռուսաստանը պայմանավորվել են փոխադարձաբար օգնել միմյանց նման դեպքերում։ Այս առումով էլ մենք դիմեցինք Ռուսաստանին»,- «Կոմերսանտ»-ին ասել է Արմեն Գրիգորյանը:

Հարցին, թե առաջին հերթին Հայաստանը Մոսկվայից ինչպիսի օգնություն է ակնկալում ռազմական թե դիվանագիտական, նա պատասխանել է. «Մենք կողմնակից ենք, որ այդ խնդիրը լուծվի դիվանագիտական ճանապարհով։ Բայց եթե դա անհնար լինի լուծել դիվանագիտական ճանապարհով, ապա պետք է խնդիրը լուծել ռազմական ճանապարհով»։

Երեքշաբթի Գրիգորյանը նաև ակնկարկել է, որ «Երևանը կարող է դիմել (օգնության համար) նաև միջազգային այլ գործընկերներին»։ «Կոմերսանտ»-ի հետ զրույցում նա վստահեցրել է, որ առաջնահերթությունը հենց Ռուսաստանն է և Հավաքական անվտանգության պայմանագրի կազմակերպությունը (ՀԱՊԿ)։

«Բայց եթե լուծում չգտնվի, ապա մենք կդիտարկենք նաև այլ հնարավորություններ»,- ասել է Գրիգորյանը՝ չմանրամասնելով այս թեման։

«Ռուսական կողմի ակտիվ մասնակցության շնորհիվ ռազմական գործողությունները դադարեցվեցին, սակայն խնդիրը չլուծվեց, քանի որ ադրբեջանական զինուժը շարունակում է մնալ Հայաստանի ինքնիշխան տարածքում։ Համաձայն բոլոր այն քարտեզների, որոնք եղել են խորհրդային տարիներին, այս բոլոր տարածքները Հայաստանի ինքնիշխան տարածքներն են»,- ամփոփել է Արմեն Գրիգորյանը։

Միևնույն ժամանակ, «Կոմերսանտի» զրուցակիցը հավելել է, որ ԱՊՀ նիստի շրջանակում իր ադրբեջանցի գործընկեր Ռամիլ Ուսուբովի հետ շփումներ նախատեսված չեն։

Սահմանին տիրող իրավիճակի մասին

Նոյեմբերի 16-ին, ժամը 13։00-ի սահմաններում, ադրբեջանական ԶՈՒ ստորաբաժանումները հերթական սադրանքն են նախաձեռնել ՀՀ արևելյան սահմանագոտու ուղղությամբ՝ գնդակոծության ենթարկելով հայկական դիրքերը։ ՀՀ ԶՈՒ ստորաբաժանումները դիմել են պատասխան գործողությունների՝ հակառակորդի առաջխաղացումը կանխելու նպատակով։Հակառակորդը կիրառել է հրետանային միջոցներ, զրահատեխնիկա և տարբեր տրամաչափի հրաձգային զինատեսակներ։ Ռուսական կողմի միջնորդությամբ ձեռք բերված պայմանավորվածության համաձայն՝ ժամը 18։30-ից ՀՀ արևելյան սահմանագոտում կրակը դադարեցվել է, իրադրությունը հարաբերականորեն կայունացել է։ ՊՆ–ի հաղորդմամբ, Ադրբեջանի սանձազերծած ագրեսիայի հետևանքով հակառակորդի վերահսկողության տակ է անցել 2 մարտական հենակետ։ Հայկական կողմն ունի 1 զոհ, 12 զինծառայող գերեվարվել է, 24–ի զինծառայողի հետ կապը կորել է։ Հակառակորդն ունի մինչև 70 զոհված և վիրավոր զինծառայող, ինչպես նաև զինտեխնիկայի զգալի կորուստներ։–0–
Partners News
Partners News
ԱՌԿԱ գործակալություն
Բաժնի այլ նյութեր
17:42
22 Դեկտեմբերի 2021
Միրզոյանն ու Լավրովը քննարկել են Սոչիի եռակողմ պայմանավորվածությունների կատարումը
Միրզոյանն ու Լավրովը քննարկել են Սոչիի եռակողմ պայմանավորվածությունների կատարումը
17:00
22 Դեկտեմբերի 2021
«Ամո՛թ քեզ». Ալեն Սիմոնյանը Հայկ Մարությանին անվանել է պորտաբույծ և ապիկար
«Ամո՛թ քեզ». Ալեն Սիմոնյանը Հայկ Մարությանին անվանել է պորտաբույծ և ապիկար
16:34
22 Դեկտեմբերի 2021
ՀՐԱՏԱՊ. Հայկ Մարությանը հեռացվեց Երևանի քաղաքապետի պաշտոնից, նշանակվեց նոր քաղաքապետ
ՀՐԱՏԱՊ. Հայկ Մարությանը հեռացվեց Երևանի քաղաքապետի պաշտոնից, նշանակվեց նոր քաղաքապետ
16:09
22 Դեկտեմբերի 2021
«Սպիտակներն» ընդդեմ «սևերի». Մարությանը կոշտ քննադատել է իշխանություններին իր հրաժարականի մասին քվեարկությունից առաջ (ՎԻԴԵՈ)
«Սպիտակներն» ընդդեմ «սևերի». Մարությանը կոշտ քննադատել է իշխանություններին իր հրաժարականի մասին քվեարկությունից առաջ. ՎԻԴԵՈ
15:44
22 Դեկտեմբերի 2021
Փաշինյանն ու Սարգսյանը քննարկել են Հայաստանի առջև ծառացած մարտահրավերները (ՎԻԴԵՈ)
Փաշինյանն ու Սարգսյանը քննարկել են Հայաստանի առջև ծառացած մարտահրավերները. ՎԻԴԵՈ
13:56
22 Դեկտեմբերի 2021
ԿԳՄՍՆ-ն պարզաբանում է ներկայացրել կիսամյակային գրավոր աշխատանքներից բացակայած սովորողների գնահատման վերաբերյալ
ԿԳՄՍՆ-ն պարզաբանում է ներկայացրել կիսամյակային գրավոր աշխատանքներից բացակայած սովորողների գնահատման վերաբերյալ
13:01
22 Դեկտեմբերի 2021
Երևանում մսամթերքի արտադրամասի գործունեություն է կասեցվել
Երևանում մսամթերքի արտադրամասի գործունեություն է կասեցվել
12:24
22 Դեկտեմբերի 2021
Մշակույթի նախկին նախարար Հասմիկ Պողոսյանի նկատմամբ հետախուզում է հայտարարվել (ՎԻԴԵՈ)
Մշակույթի նախկին նախարար Հասմիկ Պողոսյանի նկատմամբ հետախուզում է հայտարարվել. ՎԻԴԵՈ
11:52
22 Դեկտեմբերի 2021
Կորոնավիրուսային իրավիճակը Հայաստանում. հաստատվել է 152 նոր դեպք, 153 մարդ առողջացել է, 7 մարդ մահացել է
Կորոնավիրուսային իրավիճակը Հայաստանում. հաստատվել է 152 նոր դեպք, 153 մարդ առողջացել է, 7 մարդ մահացել է
11:04
22 Դեկտեմբերի 2021
Հայաստանի տարածքում ջերմաստիճանը կտրուկ կնվազի 16 աստիճանով, սպասվում է մինչև -26
Հայաստանի տարածքում ջերմաստիճանը կտրուկ կնվազի 16 աստիճանով, սպասվում է մինչև -26
20:30
21 Դեկտեմբերի 2021
Կյանքից հեռացել է Ռիմա Դեմիրճյանը
88 տարեկանում կյանքից հեռացել է Ռիմա Դեմիրճյանը
18:26
21 Դեկտեմբերի 2021
Ամերիաբանկը մշակել է արտոնյալ պայմաններով հատուկ առաջարկ Երևանում նոր մասնաճյուղի բացման կապակցությամբ
Ամերիաբանկի մասնաճյուղի բացման արարողության ժամանակ ներկայացվել է արտոնյալ պայմաններով հատուկ առաջարկ ֆիզիկական և իրավաբանական այն բոլոր անձանց համար, ովքեր կդառնան Ամերիաբանկի հաճախորդ` բացելով հաշիվ «Մալաթիա» մասնաճյուղում մինչև 2022թ. մարտի 31-ը ներառյալ