Երևանում մեկնարկել է ԵՏՄ միջկառավարական խորհրդի նիստը, մասնակցում են ԵՏՄ բոլոր երկրների պատվիրակությունները, բայց Ղրղըզստանից

ԵՐԵՎԱՆ, 9 հոկտեմբերի./Նովոստի–Արմենիա/. Երևանում այսօր մեկնարկել է ԵՏՄ միջկառավարական խորհրդի հերթական նիստը։

Բացելով նիստը` ՀՀ վարչապետ Նիկոլ Փաշինյանը նշեց, որ իր ղրղըզ գործընկերը չի կարողացել այցելել Հայաստան` Միջկառավարական խորհրդի նիստին մասնակցելու համար։


«Ես խաղաղություն և համերաշխություն եմ մաղթում Ղրղըզստանի բարեկամ ժողովրդին և մաղթում եմ ներքաղաքական իրավիճակի շուտափույթ կարգավորում», – նշել է Փաշինյանը։

Նա հատուկ շնորհակալություն է հայտնել պատվիրակությունների բոլոր անդամներին` Հայաստան այցելելու համար երկրում այս դժվարին ժամանակում` ընդգծելով, որ դա հատուկ արժեք ունի հայկական կողմի համար։

Վարչապետը նաև բոլորին մաղթել է արդյունավետ աշխատանք և կառուցողական քննարկումներ` ի բարօրություն ԵՏՄ–ի հետագա ամրապնդման։–0–