ԵՐԵՎԱՆ, 23 հունվարի./Նովոստի–Արմենիա/. Երևանի քաղաքապետ Հայկ Մարությանն Ամանորից առաջ համակարգի 1628 աշխատակիցների պարգևատրել է ընդհանուր 474 միլիոն դրամի չափով (ավելի քան 977 հազար դոլար)։ Այս մասին Facebook–յան իր էջում գրել է քաղաքապետարանի մամուլի քարտուղար Հակոբ Կարապետյանը։
Կարապետյանի խոսքով, ընդ որում Մարությանն ինքն իրեն պարգևատրում չի հատկացրել։
Загружается новость ... "Лево"
Կարապետյանն ավելացրել է, որ քաղաքապետի պաշտոնավարման 100 օրերի ընթացում համայնքը տնտեսել է շուրջ 7 միլիարդ դրամ, սա պարգևատրման նշված գումարից շուրջ տասնհինգ անգամ ավելի շատ է։
Նա նաև նշել է, որ Ամանորյա պարգևավճարների այս ծավալը պլանավորվել է 2017 թվականի դեկտեմբերին։
«Քաղաքի գործող իշխանությունը անփոփոխ ձևով բաշխել է նախկինում պլանավորած պարգևավճարները՝ որոշելով հետագա պարգևատրումների համար կիրառել աշխատատանքի արդյունավետության գնահատման գործակից և յուրաքանչյուր աշխատակցին պարգևատրել ըստ այդ գործակցի», – նշել է Կարապետյանը։–0–