Տրանսպորտի վարչության ղեկավարն աշխատանքից ազատման դիմում է ներկայացրել, այնտեղ խնդիր ունենք. Երևանի քաղաքապետ

ԵՐԵՎԱՆ, 28 դեկտեմբերի./Նովոստի–Արմենիա/. Երևանի քաղաքապետարանի Տրանսպորտի վարչության ղեկավարն աշխատանքից ազատման դիմում է ներկայացրել, ասել է Երևանի քաղաքապետ Հրաչյա Սարգսյանը։

«Մենք խնդիր ունենք Տրանսպորտի վարչությունում։ Տեղի կունենա փոփոխություն, քանի որ 2022թ.–ից գծանշումները, լուսացույցներն ամբողջությամբ անցնելու են Երևան համայնքին։ Մասնագիտական լուրջ խնդիրներ ունենք այնտեղ, պետք է թարմացնենք», – ասել է Սարգսյանը «Ազատություն» ռ/կ–ին տված հարցազրույցում։

Նա նշել է, որ քաղաքապետարանի Շինբարեկարգման վարչության պետը նույնպես աշխատանքից ազատման դիմում է գրել։

Սարգսյանն ընդգծել է, որ կադրային ջարդ, որպես այդպիսին, չկա։

«Պետք է շատ ուշադրություն դարձնել բովանդակությանը, ոչ թե ձևին», – ասել է Սարգսյանը։–0–