Քրեական գործ է հարուցվել ադրբեջանցիների կողմից 6 հայ զինծառայողներին գերեվարելու դեպքի առթիվ

ԵՐԵՎԱՆ, 27 մայիսի./Նովոստի–Արմենիա/. Քրեական գործ է  հարուցվել ադրբեջանցի զինծառայողների կողմից 6 հայ զինծառայողներին գերեվարելու դեպքի առթիվ։ 

Ինչպես հաղորդում է ՀՀ գլխավոր դատախազի խորհրդական Գոռ Աբրահամյանը, Ադրբեջանի ԶՈՒ զինծառայողների կողմից Գեղարքունիքի մարզի Վարդենիս համայնքի վարչական տարածքում գտնվող Կութ գյուղի հատվածում պահպանվող ՀՀ պետական սահմանն ապօրինի հատելու, 27.05.2021թ. շրջափակման մեջ վերցնելով ՀՀ տարածքում ինժեներական աշխատանքներ իրականացնող ՀՀ ԶՈՒ 6 զինծառայողներին շրջափակման մեջ գցելու, զենքի գործադրմամբ, կյանքի կամ առողջության համար վտանգավոր
 գործադրելով նրանց առևանգելու և Ադրբեջանի Հանրապետության տարածք տեղափոխելու դեպքի առթիվ Սևանի կայազորի զինվորական դատախազությունում հարուցվել է քրեական գործ՝ ՀՀ քրեական օրենսգրքի 329-րդ հոդվածի 2-րդ մասով և 131-րդ հոդվածի 2-րդ մասի 1-ին, 2-րդ, 3-րդ և 6-րդ կետերով նախատեսված հանցագործությունների հատկանիշներով: 

«Քրեական գործի նախաքննությունը հանձնարարվել է ՀՀ ՔԿ ԶՔԳՎ 5-րդ կայազորային քննչական բաժնին», – նշել է Աբրահամյանը:–0–