Քաղցկեղի վաղ հայտնաբերում․ Գեղարքունիքում մեկնարկել է կրծքագեղձի քաղցկեղի սքրինինգային անվճար ծրագիր
ԵՐԵՎԱՆ, 3 սեպտեմբերի․/Նովոստի–Արմենիա/. Գեղարքունիքի մարզում մեկնարկել է կրծքագեղձի քաղցկեղի սքրինինգային ծրագիր, հայտնում են ․ Ա․ Ֆանարջյանի անվան ուռուցքաբանության ազգային կենտրոնից։
Քաղցկեղի վաղ հայտնաբերման նպատակով Հայաստանում իրականացվում է կրծքագեղձի քաղցկեղի սքրինինգային հետազոտությունների անվճար ծրագիրը, որն իրականացնում է Վ․ Ա․ Ֆանարջյանի անվան ուռուցքաբանության ազգային կենտրոնը ՀՀ ԱՆ պատվերով։
Ծրագիրը մեկնարկել է սեպտեմբերի 2-ից՝ Գեղարքունիքի մարզից։
Շարժական մամոգրաֆը առաջիկայում՝ մոտ 1,5 ամիս տեղակայված է լինելու Վարդենիս քաղաքում, այնուհետև կլինի Մարտունի, Գավառ, Ճամբարակ և Սևան քաղաքներում։
Շահառուներ են հանդիսանում մարզի 45-68 տարեկան կանայք:
Դիմելու համար անհրաժեշտ է գրանցվել՝ դիմելով ընտանեկան բժշկին։ Առավել մանրամասն ծրագրի մասին՝ հետևյալ հղումով։
