411.92
6.46
395.35
+6
Եղանակը Երևանում
Հայ

Փորձել եմ վերադասին ներկայացնել իրավիճակը, բայց ոչ մի օգնություն չի եղել.62 զինվորների գերեվարման համար մեղադրվող փոխգնդապետ (ՎԻԴԵՈ)

12:53
30 Օգոստոսի 2021

ԵՐԵՎԱՆ, 30 օգոստոսի․/Նովոստի-Արմենիա/․ Փոխգնդապետ Արսեն Ղազարյանին մեղադրում են իր ենթակայության տակ գտնվող 62 զինծառայողների նահանջը չկազմակերպելու մեջ:

Արցախի Հադրութի շրջանի Հին Թաղեր և Խծաբերդ գյուղերի հանձնման և 62 ՀՀ անձանց գերեվարման համար մեղադրվող փոխգնդապետ Արսեն Ղազարյանի փաստաբանական խումբն այսօր հրավիրված ասուլիսում ներկայացրեց մեղադրանքի մանրամասները։

«Շատերը հավանաբար կարծում են, որ Հին Թաղերի ու Խծաբերդի հանձնման ու 62 անձի գերեվարման մեջ մեղավոր են քաղաքական կամ զինվորական իշխանության բարձրագույն մարմինները՝ վարչապետ, պաշտպանության նախարար, գլխավոր շտաբի պետ կամ գոնե կորպուսների, գնդերի հրամանատարներ, սակայն իրականում այդպես չէ: Իրավապահ մարմինները գտնում են, որ այդ ամենի մեղավորը Արսեն Ղազարյանն է։ Ըստ իշխանության՝ Արսեն Ղազարյանն այդ ամենի միակ պատասխանատուն է»,- նշեց փաստաբաններից մեկը։

Այնուհետև փաստաբանը ներկայացրեց գյուղերի վրա հարձակմանը վերաբերող իրադարձությունները, որոնց էլ առնչվում է մեղադրանքը:

«Պատերազմից հետո դեկտեմբերին Արսեն Ղազարյանն իր ենթակա շուրջ 100 անձից կազմված զորամիավորմամբ մեկնել է Հին Թաղերի ու Խծաբերդի հատված ու տեղաբախշվել ըստ վերադասի տված հրամանի։ Դա եղել է վերևից եկած հրաման, որը Արսեն Ղազարյանը կատարել է»,-ասաց փաստաբանը:

Նրա խոսքով՝ տեղաբաշխումից հետո Արսեն Ղազարյանը խմբի հետ գտնվել է այդ գյուղերի հատվածներում, իսկ այդ 62 անձը` ավելի բարձր դիրքերում, սակայն նրանց հետ կապը կտրվել է, քանի որ Արսեն Ղազարյանին տրված կապի միջոցները չեն գործել՝ եղել են կարճալիք ։

Նա հավելեց նաև, որ Խծաբերդի ու Հին Թաղերի վրա հարձակոււմը եղել է դեկտեմբերի 13-ին։ Ու այստեղ կա կարևոր հանգամանք, որին ուշադրություն չի դարձվում:

«Պատահականորեն դեկտեմբերի 13-ին հայկական կապի օպերատորները բջջային կապն անջատում են՝ այսինքն դեպքի օրը բջջային կապ չի եղել։ Հիմա հարց՝ Արսեն Ղազարյանն ունի՞ այն հնարավորություններ, որ օպերատորներին ստիպի անջատել կապը։ Այստեղ է, որ թաքնված է շան գլուխը»,-նշեց փաստաբանը:

 Փաստաբանի խոսքով՝ դատական գործը վերադարձվել է Ընդհանուր իրավասության դատարան՝ նոր քննության: Դատական նիստը տեղի է ունենալու վաղը:

«Եվ եթե դատարանը իրավական կամք չցուցաբերի, Արսեն Ղազարյանին այսօր մենք վերջին անգամ կտեսնենք ազատության մեջ»,-ասաց փաստաբանը:

Փաստաբան Սյուզաննա Խչեյանի խոսքով էլ՝ վարույթ իրականացնող մարմինը, նախաձեռնեց մի վարույթ, որի նպատակն էր լռեցնել տուժածների հարազատներին:

«Եվ մեզ, որպես ողջամիտ վարկած, մնում էր մեկ հանգամանք, որ տուժողների հարազատները տեղեկացվել են վարույթն իրականացնող մարմնի կողմից, ավելին նրանք հենց նրանց ազդեցությամբ էլ հավաքվել էին և բողոքի ակցիա էին իրականացրել»,-ասաց Սյուզաննա Խչեյանը:

Փոխգնդապետ Արսեն Ղազարյանն էլ նշեց, որ մարտական հերթապահության մեկնելուց առաջ իրենց մարտական խնդիրներ չեն առաջադրվել, ինֆորմացիա չի տրամադրվել հակառակորդի գտնվելու վայրի, սպառազինության մասին, համապատասխան կապի միջոցներ չեն տրամադրվել:

«Փորձել եմ վերադասին ներկայացնել իրավիճակը, բայց ոչ մի օգնություն չի եղել, մենք էլ ամեն ինչ արել ենք, որ մեր վերահսկողության տակ գտնվող տարածքը չհանձնենք»,-ասաց Արսեն Ղազարյանը:–0–

Ծանոթացեք լուրերին առաջինն ու քննարկեք դրանք մեր Telegram-յան ալիքում

Partners News
ԱՌԿԱ գործակալություն
Բաժնի այլ նյութեր
20:17
01 Դեկտեմբերի 2022
Ֆասթ Բանկը թվային բանկինգի վերափոխման ակտիվ փուլում է (ՎԻԴԵՈ)
ՀՀ բանկային համակարգում էական փոփոխություն է գրանցվել․ արդեն գործող 17 բանկերին է միացել Ֆասթ Բանկը. ՎԻԴԵՈ
19:43
01 Դեկտեմբերի 2022
Լայնածավալ պատերազմական գործողությունների վտանգը միշտ կա. Պապիկյան
Պաշտպանության նախարարը խոսել է լայնածավալ պատերազմական գործողությունների վտանգի մասին
12:56
01 Դեկտեմբերի 2022
Տեղական տուրքը կկազմի ոչ թե 500 հազար դրամ, այլ 5 մլն դրամ. Շինթույլտվություն ստանալու կամ այն երկարաձգելու տուրքը մի քանի անգամ կբարձրանա
Տեղական տուրքը կկազմի ոչ թե 500 հազար դրամ, այլ 5 մլն դրամ. Շինթույլտվություն ստանալու կամ այն երկարաձգելու տուրքը մի քանի անգամ կբարձրանա
12:01
01 Դեկտեմբերի 2022
Հայաստանում կան փակ ճանապարհներ. որոշ վայրերում մառախուղ է
Հայաստանում կան փակ ճանապարհներ. որոշ վայրերում մառախուղ է
11:35
01 Դեկտեմբերի 2022
Արդշինբանկն անցկացնում է ակցիա 10000 դրամ դրամական փոխանցում կատարող յուրաքանչյուր 300-րդ հաճախորդի համար
Դեկտեմբերի 1-ից 30-ը Արդշինբանկն իրականացնում է ակցիա արագ դրամական փոխանցումների համակարգերից օգտվող հաճախորդների համար
21:29
30 Նոյեմբերի 2022
ՀՀ ԶՈւ-ն կրակ չի բացել. Ադրբեջանը հերթական ապատեղեկատվությունն է տարածում
ՀՀ ԶՈւ-ն կրակ չի բացել. Ադրբեջանը հերթական ապատեղեկատվությունն է տարածում
21:15
30 Նոյեմբերի 2022
Մարուքյանը նշել է, թե Հայաստանի որ տարածքներն են օկուպացվել Ադրբեջանի կողմից
Մարուքյանը նշել է, թե Հայաստանի որ տարածքներն են օկուպացվել Ադրբեջանի կողմից
20:41
30 Նոյեմբերի 2022
Փաշինյանը նշել է Համընդհանուր հայտարարագրման համակարգի ներդրման երեք նպատակները
Փաշինյանը նշել է Համընդհանուր հայտարարագրման համակարգի ներդրման երեք նպատակները
20:28
30 Նոյեմբերի 2022
Հայաստանում վտանգավոր սննդամթերքի թողարկում է կասեցվել (ՖՈՏՈ)
Հայաստանում վտանգավոր սննդամթերքի թողարկում է կասեցվել. ՖՈՏՈ
17:34
30 Նոյեմբերի 2022
12 ժամ ջուր չի լինի Երևանի կենտրոնում և վարչական շրջաններից մեկում
12 ժամ ջուր չի լինի Երևանի կենտրոնում և վարչական շրջաններից մեկում
14:53
30 Նոյեմբերի 2022
10 ժամ փակ կլինի Երևանի կամուրջներից մեկի երթևեկը
10 ժամ փակ կլինի Երևանի կամուրջներից մեկի երթևեկը