Պետք է փորձել երկխոսություն սկսել Ադրբեջանի հետ. Անդրանիկ Քոչարյան (ՎԻԴԵՈ)
19:56
08 Դեկտեմբերի 2020
ԵՐԵՎԱՆ, 8 դեկտեմբերի./Նովոստի–Արմենիա/. Հայաստանը պետք է փորձի երկխոսություն սկսել Ադրբեջանի հետ, հայտարարել է ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանն այսօր խորհրդարանում։
«Մենք պետք է ընդունենք կապիտուլյացիան և շարժվենք առաջ, հասկանանք պատասխանատվության աստիճանական գիտակցումը։ Պետք է փորձել երկխոսություն սկսել հաղթող կողմի հետ, որքան էլ դա ծանր լինի։ Խոշոր մասշտաբների պատերազմներից վերականգնված գրեթե բոլոր երկրներն անցել են այս ճանապարհով», – հայտարարել է Քոչարյանը ԱԺ–ում կառավարության ժամի ընթացքում։
Ինչպես կարծում է պատգամավորը, Հայաստանի և Ադրբեջանի միջև երկկողմ դիվանագիտական հարաբերությունների հաստատումը «կարող է փոխել սպասվող հեռանկարները»։
Загружается новость ...
"Право"
Նա նաև նշել է, որ չպետք է մոռանալ կատարվածը, և դիվանագիտությունը պետք է հիմնված լինի տնտեսական, ռազմական և բարոյահոգեբանական ռիսկերի գնահատման վրա։
Ավելի վաղ էկոնոմիկայի նորանշանակ նախարար Վահան Քերոբյանը Հանրային հեռուստաընկերությանը տված հարցազրույցում նախանշել է այն հնարավորությունները, որոնք կստանա ներքին տնտեսությունը տարածաշրջանում տրանսպորտային հաղորդակցությունների ապաշրջափակման արդյունքում, որոնք նշված են Արցախի վերաբերյալ նոյեմբերի 9-ի հայտարարության մեջ։
Նա երկարաժամկետ հեռանկարում մատնանշել է Թուրքիայի նավահանգիստները և, հնարավոր է, ադրբեջանական շուկան օգտագործելու հնարավորությունները` պարզաբանելով, որ « բաց սահմանները շատ լավ են տնտեսության համար, քանի որ մրցակցության արդյունքում ավելի լավ ապրանքներ են ստեղծվում, այսինքն ՝ մեր տնտեսությունը կարող է որակապես հասնել համաշխարհային մակարդակի: Եթե երկիր էժան և որակյալ ապրանքներ են ներմուծվում, ապա մեր տեղական արտադրողը ստիպված է ավելի լավը դառնալ», – նշել է նախարարը։–0–
