Փաշինյանը վստահեցնում է, որ պետությունը գերիների վերադարձի ուղղությամբ ամեն օր աշխատանք է կատարում

ԵՐԵՎԱՆ, 8 նոյեմբերի./Նովոստի–Արմենիա/. ՀՀ վարչապետ Նիկոլ Փաշինյանը վստահեցնում է, որ պետությունը գերիների վերադարձի ուղղությամբ ամեն օր կատարում է աշխատանք: 

«Մենք պետք է անհոգնել աշխատենք՝ օր առաջ մեր եղբայրներին վերադարձնելու ուղղությամբ: Եվ մենք այդպես էլ անում ենք: Ամեն օր այդ ուղղությամբ կատարվում է աշխատանք: Այո, պետք է արձանագրենք, որ այդ աշխատանքն արվում է ի հեճուկս 2020 թվականի նոյեմբերի 9-ի եռակողմ հայտարարության»,-ասել է վարչապետը:

Նա շեշտել է՝ պետք է աշխատեն միջազգային գործընկերների, միջազգային հանրության հետ, նաև Ադրբեջանի հետ պետք է աշխատանք տարվի, որ այդ խնդիրն օր առաջ, րոպե առաջ լուծվի:–0–