429.75
7.83
408.31
+22
Եղանակը Երևանում
Հայ

Փաշինյանը կայացրել է Արցախը Ադրբեջանին հանձնելու որոշում. ՀՅԴ–ն հայտարարություն է տարածել

14:07
15 Ապրիլի 2022

ԵՐԵՎԱՆ, 15 ապրիլի./Նովոստի–Արմենիա/. ՀՅԴ Բյուրոն հայտարարություն է տարածել Արցախի շուրջ տիրող լարված իրավիճակի կապակցությամբ։

Հիշեցնենք, որ ՀՀ վարչապետ Նիկոլ Փաշինյանն ապրիլի 13–ին խորհրդարանում հայտարարեց. «Այսօր միջազգային հանրությունը մեզ կրկին ասում է՝ մի փոքր իջեցրեք Լեռնային Ղարաբաղի կարգավիճակի հարցում ձեր նշաձողը և միջազգային մեծ կոնսոլիդացիա կապահովեք Հայաստանի և Արցախի շուրջ: Հակառակ դեպքում, ասում է միջազգային հանրությունը, խնդրում ենք մեզ վրա հույս չդնել, ոչ թե այն պատճառով, որ մենք չենք ուզում ձեզ օգնել, այլ այն պատճառով, որ մենք չենք կարող ձեզ օգնել»։ Այս հայտարարությունը բուռն արձագանք ստացավ հասարակության շրջանում։ Արցախում գործող մի շարք հասարակական կազմակերպությունների ներկայացուցիչներ վրդովմունք հայտնեցին Արցախի նախագահ Արայիկ Հարությունյանին Փաշինյանի հայտարարության կապակցությամբ։ Արցախի ԱԺ–ն միաձայն ընդունեց հայտարարություն` պահանջելով Հայաստանի իշխանություններից հրաժարվել իրենց ներկայիս աղետալի դիրքորոշումից։

«2022թ. ապրիլի 13-ին ՀՀ ԱԺ ամբիոնից իր ելոյթի ժամանակ Նիկոլ Փաշինյանի ինքնախոստովանական ցուցմունքները և Հայաստան-Ադրբեջան, Հայաստան-Թուրքիա հարաբերությունների, Արցախի ու Հայաստանի Հանրապետության անվտանգային խնդիրների վերաբերյալ հայտնած դիրքորոշումները, փաստերի և իրողությունների նենգափոխումները վերջնականապես բացահայտեցին վարչապետի պաշտոնը զբաղեցնողի ու իր վարչախմբի քաղաքական և բարոյական սնանկությունը», – նշվում է հայտարարության մեջ։

Загружается новость ... "Лево"

ՀՅԴ–ից ընդգծում են, այլևս կասկածից վեր է, որ Նիկոլ Փաշինյանը կայացրել է Արցախը Ադրբեջանին հանձնելու եւ թուրք-ադրբեջանական տանդեմի պահանջները բավարարելու ազգակործան որոշում:

«Սակայն ո՛չ Նիկոլ Փաշինյանը, ո՛չ էլ որևէ քաղաքական ուժ կամ անձանց խումբ չունի որևէ մանդատ Արցախի և արցախահայության փոխարեն կայացնելու նրանց ճակատագրի վերաբերյալ նման որոշում: Ներկայացվող «խաղաղության» օրակարգը իրականում միտված է վարչախմբի իշխանությունը երկարաձգելուն եւ հանգեցնելու է Արցախի եւ Հայաստանի համար լրջագույն սպառնալիքների, անվտանգային նոր մարտահրավերների, նոր պատերազմի, նոր կորուստների, նոր զոհերի ու նոր կապիտուլյացիայի։ Արցախյան վերջին պատերազմի ընթացքում և դրանից հետո իշխանությունների ապաշնորհ ու ձախող վարքագիծը և տեղի ունեցող գործընթացները դրանց վառ վկայությունն են։ Ստեղծված ծանրագույն իրավիճակում բեկում կարող է առաջանալ, երբ համազգային ներուժի մեկտեղմամբ դիմադրություն ցույց տրվի դավադիր պայմանավորվածություններով ու սպառնալիքներով հայ ժողովրդին պարտադրվող օրակարգերին: Հայաստանի գործող իշխանության հեռացումը և բանակցողի փոփոխությունը իրավիճակից դուրս գալու առաջին քայլն է:

Առ այդ,

1. Միջազգային հանրության, այդ թվում ԵԱՀԿ Մինսկի խմբի համանախագահ երկրների ուշադրությանն ենք հանձնում, որ Նիկոլ Փաշինյանի կողմից ուղղակի կամ անուղղակի, բանավոր կամ գրավոր ձևով Արցախը Ադրբեջանի ենթակայությանը հանձնելու որևէ հանձնառություն լեգիտիմ չէ եւ առ ոչինչ է: Արցախի ժողովրդի` իր բնօրրանում ինքնորոշվելու իրավունքն ամրագրված է միջազգային իրավական ակտերով, ինչը ԵԱՀԿ Մինսկի խմբի շրջանակներում, 2007 թվականից, որպես սկզբունք դրված է արցախյան հակամարտության խաղաղ կարգավորման հիմքում:

2. Ուղերձ ենք հղում հայ ժողովրդին դիմագրավելու ներքին ու արտաքին բոլոր սպառնալիքներին, չհուսահատվելու, չհամակերպվելու, լինելու միասնական, հավատալու սեփական ուժերին ու պայքարելու՝ հանուն հայ ազգի իրավունքների եւ շահերի: Տոկուն եւ անկոտրում արցախահայությանը վստահեցնում ենք որ հայ ազգը զորավիգ է իր արդա՛ր պայքարին։

3. Հավատարիմ իր առաքելությանը՝ Դաշնակցությունը իր համահայկական կառույցով վճռական է այս պայքարում լինելու և՛ առաջամարտիկ և՛ զինվոր: Միաժամանակ հայտնում ենք մեր պատրաստակամությունը համագործակցելու բոլոր նրանց հետ, ովքեր պատրաստ են պայքարելու հանուն արժանապատիվ ու անվտանգ Հայաստանի ու Արցախի», – նշվում է ՀՅԴ–ի հայտարարության մեջ։–0–

Ծանոթացեք լուրերին առաջինն ու քննարկեք դրանք մեր Telegram-յան ալիքում

Partners News
ԱՌԿԱ գործակալություն
Բաժնի այլ նյութեր
15:05
29 Հունիսի 2022
Այսօրվանից 24 ժամ ջուր չի լինի Երևանի վարչական շրջաններից մեկում
24 ժամ ջուր չի լինի Երևանի վարչական շրջաններից մեկում
13:45
29 Հունիսի 2022
Գեներալ Խաչատուրովի որդուն մեղադրանք է առաջադրվել, նրան սպառնում է մինչև 5 տարվա ազատազրկում
Գեներալ Խաչատուրովի որդուն մեղադրանք է առաջադրվել, նրան սպառնում է մինչև 5 տարվա ազատազրկում
11:30
29 Հունիսի 2022
ԱԻՆ–ից հայտնում են Լարսում ստեղծված իրավիճակը
ԱԻՆ–ից հայտնում են Լարսում ստեղծված իրավիճակը
10:57
29 Հունիսի 2022
ՊՆ–ն հերքում է Ադրբեջանի հերթական ապատեղեկատվությունը
ՊՆ–ն հերքում է Ադրբեջանի հերթական ապատեղեկատվությունը` ներկայացնելով իրադրությունը սահմանին
15:50
28 Հունիսի 2022
Flyone Armenia–ն իրականացնելու է Երևան–Սանկտ Պետերբուրգ–Երևան չվերթեր
Flyone Armenia–ն իրականացնելու է Երևան–Սանկտ Պետերբուրգ–Երևան չվերթեր
14:59
28 Հունիսի 2022
Հայաստանում, ՌԴ–ի աջակցությամբ, առաջիկայում նոր տեխնոպարկ կկառուցվի
Հայաստանում, ՌԴ–ի աջակցությամբ, առաջիկայում նոր տեխնոպարկ կկառուցվի
13:30
28 Հունիսի 2022
Լարսը կրկին փակ է
Լարսը կրկին փակ է
11:44
28 Հունիսի 2022
Հրապարակվել են տեղեկություններ Լարսում տիրող իրավիճակի մասին
Հրապարակվել են տեղեկություններ Լարսում տիրող իրավիճակի մասին
11:01
28 Հունիսի 2022
Երևանի կենտրոնում ապօրինի սըճարան է ապամոնտաժվել (ՎԻԴԵՈ)
Ինչպես են ապամոնտաժում Երևանի կենտրոնում կառուցված ապօրինի սրճարանը. կադրեր են հրապարակվել
10:39
28 Հունիսի 2022
Հայ զինծառայողը 2մլն դրամի խոստման դիմաց տեղեկություններ է փոխանցել օտարերկրյա հատուկ ծառայություններին (ՎԻԴԵՈ)
Հայ զինծառայողը 2մլն դրամի խոստման դիմաց տեղեկություններ է փոխանցել օտարերկրյա հատուկ ծառայություններին. ՎԻԴԵՈ
22:03
27 Հունիսի 2022
Գործարկվել է անձնագրային և վիզաների վարչության avv.police.am կայքը (ՎԻԴԵՈ)
Գործարկվել է անձնագրային և վիզաների վարչության avv.police.am կայքը. ՎԻԴԵՈ
15:21
27 Հունիսի 2022
Հայաստանում մեկ շաբաթում 2,3 անգամ ավելացել է COVID-19–ի նոր դեպքերի թիվը
Հայաստանում մեկ շաբաթում 2,3 անգամ ավելացել է COVID-19–ի նոր դեպքերի թիվը