«Նովոստի-Արմենիա»-ն 16 տարեկան է

ԵՐԵՎԱՆ, 8 դեկտեմբերի․/Նովոստի-Արմենիա/․ Այսօր մենք դարձանք 16 տարեկան, և դա հիանալի է։ Այս ընթացքում մեդիաոլորտում տեղի են ունեցել բազմաթիվ փոփոխություններ։ Վերապրել ենք ԶԼՄ-ների «ինտերնետացման» դարաշրջանը, բլոգոլորտի բումը, քաղաքացիական ժուռնալիստիկայի ժանրի առաջացումը, տարբեր վիդեո ծառայությունների տարածման սրընթաց աճը։

Բայց ցանկացած փոփոխության դեպքում էլ միշտ աշխատել ենք մեր լսարանի համար, փորձել ենք բաց չթողնել լսարանին անհրաժեշտ ոչ մի տեղեկատվություն։ Ցանկացել ենք պահպանել մեր ընթերցողների կայուն հետաքրքրությունն այն պրոդուկտների նկատմամբ, որոնք մշակում ենք հենց նրանց համար։ Ինչպես է ստացվել, կասեն թվերը։ Այսպես, newsarmenia.am-ի ունիկալ դիտումներն ամսական գերազանցում են միջինը 1 միլիոնը, ընդգրկվածությունը սոցցանցերում ամենօրյա ռեժիմում հասնում է 100 հազարի, իսկ YouTube-ի բաժանորդների թիվը մոտենում է 45 հազարի։

Ինչպես կշարունակենք զարգանալ, ցույց կտա ժամանակը։ Եվ չնայած բոլոր դժվարություններին, մենք հավատում ենք որակյալ լրագրության պրոֆեսիոնալիզմին և ապագային։