492.22
6.86
466.87
+12
Եղանակը Երևանում
Հայ

Նախորդ տարիների համեմատ` ունենք քաղցկեղով հիվանդացության աճ. փորձագետը հորդորում է պարբերաբար հետազոտվել

17:36
04 Փետրվարի 2022

ԵՐԵՎԱՆ, 4 փետրվարի./Նովոստի-Արմենիա/. Այսօր քաղցկեղի դեմ պայքարի միջազգային օրն է: Ուռուցքաբանության ազգային կենտրոնի օնկոուրոլգիական բաժանմունքի բժիշկ, ԵՊԲՀ-ի ուռուցքաբանության ամբիոնի դոցենտ Վիկտոր Բադեյանն այսօր կայացած ասուլիսի ժամանակ հայտնեց, որ տարեկան ամբողջ աշխարհում մոտ 25 մլն. մարդ ապրում է քաղցկեղով, ավելի քան 18 մլն նոր դեպքեր են ի հայտ գալիս և մոտ 6 մլն մարդ մահանում է քաղցկեղից:

Նրա խոսքով՝ ուռուցքաբանության ազգային կենտրոնում նախորդ տարի եղել է մոտ 15 000 բուժվող հիվանդ, որոնցից 6 000-ին կատարվել է վիրահատական միջամտություն:

«Համեմատելով նախորդ տարիների հետ, կարող եմ ասել, որ ունենք հիվանդության աճ: Հայաստանում հիվանդացության աճի միտումը ևս շարունակվում է, թեպետ, այստեղ ավելի շատ հաշվի է առնվում այն գործոնը, որ դիմելության ցուցանիշներն են ավելացել, ընդլայնվել է մահճակալային ֆոնդը»,-ասաց Բադեյանը:

Նրա դիտարկմամբ՝ դիմելիության աճին նպաստող պատճառները տարբեր են: Մասնավորապես, մի շարք ծրագրեր խթանել են բուժառուների դիմելիության գործընթացը, քանի որ շատ բուժառուներ արդեն արագ են արձագանքում բժիշկների հորդորներին:

«Մի քանի տարի առաջ, երբ մարզերում հիվանդների էինք ընդունում ու ասում էինք պետք է բուժվել Երևանում, 30 հոգուց 3-4-ն էին դիմում բուժօգնության: Մնացածը ձգձգում էին բուժման ժամկետները»,- ասաց մասնագետը:

Վիկտոր Բադեյանի խոսքով՝ եթե 3-4 տարի առաջ ուռուցքաբանության ազգային կենտրոնում մահճակալային ֆոնդը 550 էր, ապա այժմ հասնում է 800-ի: Այս ուղղությամբ բժշկական ծառայությունները ևս ավելի հասանելի են դարձել բուժառուներին:

«Օրինակ՝ վիրահատական միջամտությունները չարորակ ուռուցքներ ունեցողների համար կատարվում են անվճար: Դրանից բացի, ճառագայթային բուժումը նույնպես կատարվում է անվճար, քիմիաթերապիան էլ իրականացվում է համավճարի սկզբունքով: Այսինքն սա շատ կարևոր առաջընթաց է, որ բուժառուն ոչ թե մտածի գումար հայթայթելու, այլ հենց բուժվելու մասին»,-ընդգծեց բժիշկը:

Նրա խոսքով՝ չարորակ ուռուցքների հիմնական տարիքային խումբը 50-60 տարեկանն է՝ կախված տեսակից: Հայաստանում ամենատարածվածը թոքի, կրծքագեղձի, ստամոքսի, շագանակագեղձի քաղցկեղն է:

«Աշխարհում էլ ընդհանուր միտումները գրեթե նույնն են, թեպետ, կան բացառություններ: Օրինակ, ԱՄՆ-ում շագանակագեղձի քաղցկեղն ավելի բարձր հիվանդացության մակարդակ ունի, քան թոքինը: Եգիպտոսում, օրինակ, առաջնային տեղ է զբաղեցնում միզապարկի քաղցկեղը»,-ասաց Բադեյանը:

Մասնագետի խոսքով՝ շատ կարևոր են կանխարգելիչ միջոցառումներն ու իրազեկման ծրագրերը, որոնք օգնում են ինչպես տեղեկացնել մարդկանց, այնպես էլ անցկացնել անհրաժեշտ հետազոտություն: Այդ իսկ պատճառով բժիշկը խրախուսում է պարբերաբար հետազոտվել:

«Այդ առումով հիմա իրավիճակը շատ է փոխվել: Ես հիշում եմ իմ բժշկական կարիերայի սկզբնական փուլը, երբ գրեթե ամեն օր մեզ դիմած հիվանդների մոտ տեսնում էինք բացարձակ բարձիթողի վիճակ: Հիմա նման բան գրեթե չի լինում: Սա խոսում է թե՛ տեղում կազմակերպված բուժօգնության բարձր մակարդակի, թե՛ բնակչության իրազեկվածության մասին»,- եզրափակեց Բադեյանը:-0-

Ծանոթացեք լուրերին առաջինն ու քննարկեք դրանք մեր Telegram-յան ալիքում

Partners News
ԱՌԿԱ գործակալություն
Բաժնի այլ նյութեր
16:01
11 Մայիսի 2022
Մարտական հենակետում հայտնաբերվել է 20–ամյա զինծառայողի դի
Մարտական հենակետում հայտնաբերվել է 20–ամյա զինծառայողի դի
13:12
11 Մայիսի 2022
Հանրային վայրեր այցելելիս QR կոդ չի պահանջվի
Հայաստանում հանրային վայրեր այցելելիս QR կոդ չի պահանջվի
12:29
11 Մայիսի 2022
Ադրբեջանական գերության մեջ գտնվող հայ զինծառայողը կապվել է հարազատների հետ
Ադրբեջանական գերության մեջ գտնվող հայ զինծառայողը կապվել է հարազատների հետ
23:40
10 Մայիսի 2022
Ավարտվել է Ծառուկյանի կողմից հայտարարված Հիսուս Քրիստոսի արձանի մրցութային փուլը. հայտնի է, թե ինչ արձան կկառուցվի (ՎԻԴԵՈ)
Ավարտվել է Ծառուկյանի կողմից հայտարարված Հիսուս Քրիստոսի արձանի մրցութային փուլը. հայտնի է, թե ինչ արձան կկառուցվի. ՎԻԴԵՈ
10:32
10 Մայիսի 2022
ՀՀ ՊՆ. Ադրբեջանի ՊՆ–ն հերթական անգամ հանդես է եկել իրականության հետ կապ չունեցող հայտարարությամբ
ՀՀ ՊՆ. Ադրբեջանի ՊՆ–ն հերթական անգամ հանդես է եկել իրականության հետ կապ չունեցող հայտարարությամբ
20:30
09 Մայիսի 2022
Որպես անհետ կորած որոնվող Աննա Հակոբյանը հայտնաբերվել է
Որպես անհետ կորած որոնվող Աննա Հակոբյանը հայտնաբերվել է
12:02
09 Մայիսի 2022
14 ժամ ջուր չի լինի Երևանի 5 վարչական շրջանում, այդ թվում՝ Կենտրոնում
14 ժամ ջուր չի լինի Երևանի 5 վարչական շրջանում, այդ թվում՝ Կենտրոնում
19:20
07 Մայիսի 2022
Ադրբեջանը կրակ է բացել Սոթքի հանքավայրի ուղղությամբ, աշխատակից է վերավորվել. ընկերության ներկայացուցիչ
Ադրբեջանը կրակ է բացել Սոթքի հանքավայրի ուղղությամբ, աշխատակից է վերավորվել
18:21
07 Մայիսի 2022
Ադրբեջանը կրակ է բացել ՀՀ ԶՈւ մարտական դիրքերի ուղղությամբ
Ադրբեջանը կրակ է բացել ՀՀ ԶՈւ մարտական դիրքերի ուղղությամբ
20:36
06 Մայիսի 2022
Երևան համայնքը կառավարության աջակցությամբ ձեռք է բերում 12 մետրանոց MAN մակնիշի ավտոբուսներ. քաղաքապետ (ՖՈՏՈ)
Երևանում կգործեն 12 մետրանոց MAN մակնիշի ավտոբուսներ. ՖՈՏՈ
15:59
06 Մայիսի 2022
Տան վարկավորման ամբողջ գործընթացը` առանց բանկ գալու. առաջին անգամ Հայաստանում (ՎԻԴԵՈ)
Հարթակի միջոցով կարելի է ընտրել նոր բնակարան` ըստ ամսական վճարման չափի, գույքի տարածքի կամ այլ չափանիշների, և անցնել վարկավորման ողջ գործընթացն օնլայն` առանց բանկ գալու. ՎԻԴԵՈ
15:32
06 Մայիսի 2022
Երևանում ցուցարարները փակել են առանցքային մայրուղիներից մեկը
Երևանում ցուցարարները փակել են առանցքային մայրուղիներից մեկը