ԵՐԵՎԱՆ, 21 ապրիլի./Նովոստի–Արմենիա/. ՀՀ վարչապետ Նիկոլ Փաշինյանը, ով այցով գտնվում է Սյունիքում, սյունեցիների հետ զրույցի ժամանակ պատասխանել է այն հարցին, թե արդյոք լինելու է միջանցք Մեղրիի միջով Ադրբեջանի համար։
Մի տղամարդ, մոտենալով փողոցով քայլող Փաշինյանին, հարցրեց նրան, թե ինչու են ադրբեջանցիներին Մեղրով ճանապարահ տալիս։
«Ի՞նչ ճանապարհ», – հարցրեց վարչապետն ու լսելով, որ խոսքը Մեղրիով միջանցքի մասին է` ասաց. «Ոչ, չի լինելու։ Իրանք ասում են` «Մեղրու միջանցք», մենք էլ ասում ենք` «Նախիջևանի միջանցք», հիմա լինելու ա, թե չի լինելու»։
«Ոչ մի ճանապարհ էլ չի լինելու», – ավելացրեց Փաշինյանը։
Միաժամանակ Փաշինյանը հարցրեց. «Երկաթուղի, որ լինի, վա՞տ է», և ստանալով դրական պատասխան` հետաքրքրվեց, թե ինչու։
«Որովհետև մեզ այդքան օգուտ չի լինելու, ինչքան իրանց ա լինելու (ադրբեջանական կողմին. խմբգր.)», – նշեց տղամարդը։
Ադրբեջանի նախագահ Իլհամ Ալիևն ավելի վաղ հայտարարել է, որ «նոր տրանսպորտային միջանցքն անցնելու է Ադրբեջանի պատմական տարածքով` Զանգեզուրով (Սյունիքի մարզ)` կապելով Ադրբեջանի հիմնական մասը Նախիջևանի և Թուրքիայի հետ»։–0–
Ներքին հարցերի վրա կենտրոնացող քաղաքականությունը, որն իրականացվում է Հայաստանում, գրավում է ներդրողներին, հայտարարեց Freedom Holding Corp.-ի հիմնադիր ու ղեկավար Թիմուր Տուրլովը
