546.9
6.44
482.96
-2
Եղանակը Երևանում
Հայ

Մատենադարանից դեպի «Մատենա»․ Ռուբեն Վարդանյանն ու «Սկոլկովոն» գործարկել են բացառիկ կրթական նախագիծ

20:21
06 Դեկտեմբերի 2021

ԵՐԵՎԱՆ, 6 դեկտեմբերի․/Նովոստի-Արմենիա/․ Հայաստանում մեկնարկել է նոր մասշտաբային գործընկերային նախագիծ կրթության ոլորտում ՝«Մատենա» առաջնորդության և մասնագիտական զարգացման միջազգային դպրոց:

Համապատասխան հուշագիրը երկուշաբթի ստորագրել են «Մատենա» դպրոցի գործադիր տնօրեն Ռուբեն Հայրապետյանը և Մոսկվայի «Սկոլկովո» կառավարման դպրոցի ռեկտոր Յուրի Լևինը:

«Մատենա»-ի առաքելությունն է նպաստել մասնագիտական հմտությունների և առաջնորդի որակների զարգացմանը նրանց մոտ, ովքեր մշտապես ձգտում են կատարելության իրենց ոլորտներում ՝ գիտելիքների հավաքագրման և համաշխարհային լավագույն փորձի փոխանակման միջոցով: Նոր ուսումնական կենտրոնի կողմից կգործարկվեն բարձրագույն և միջին օղակի ղեկավարների, ինչպես նաև բիզնեսի սեփականատերերի համար նախատեսված ծրագրեր։ Նախագծի անվանումը կապված է հայկական ձեռագրերի եզակի շտեմարանի՝ Մատենադարանի հետ, որը մարմնավորում է հայության հիմնական արժեքներից մեկը՝ հարգանքը կրթության և գրքի նկատմամբ՝ որպես գիտելիքի աղբյուր։ Դպրոցի «Մատենա» անվանումը ծագում է թանգարանի անունից, որը բաղկացած է մատեան («մատենա»-գիրք) և դարան («դարան»-պահեստ) բառերից։

Հայաստանի չորս հիմնական մարտահրավերները՝ մեկ լուծում

Նախագծի նախաձեռնող, «Մատենա» դպրոցի հիմնադիր, UWC Dilijan միջազգային դպրոցի և Մոսկվայի «Սկոլկովո» կառավարման դպրոցի հիմնադիր-գործընկեր, ներդրող Ռուբեն Վարդանյանը բացատրեց, թե ինչու է հենց հիմա Հայաստանում կենսականորեն անհրաժեշտ նման նախագծի իրականացումը:

«Մենք շատ կարևոր ծրագիր ենք սկսում ողջ հայ ժողովրդի համար։ Մենք ծանր իրավիճակում ենք, կանգնած ենք լուրջ ճգնաժամի առաջ ոչ միայն Արցախում պատերազմի պատճառով, այլև կանգնած ենք այն հարցի առաջ, թե ինչպիսի Հայաստան ենք ուզում ունենալ։ Կարևոր է համազգային քննարկումների անցկացումը, բայց պետք են նաև մարդիկ, ովքեր կկարողանան փոփոխություններ իրականացնել»,- ասաց Վարդանյանը։

Նրա խոսքով՝ Հայաստանում հիմա չկա տեսլական, երազանքներ, հավակնություններ:

Վարդանյանը նաև նշեց երկրի առջև ծառացած չորս հիմնական մարտահրավերները՝ որակավորված կառավարիչների, մասշտաբային բազմաթիրախային նախագծերի և դրանց իրականացման համար գումարի պակաս, ինչպես նաև դրանց առաջացման ու իրականացման համար անհրաժեշտ բարենպաստ ու խթանող միջավայրի բացակայություն։

««Մատենա»-ն համալսարան չէ: Դրանք տարբեր տևողությամբ և տարբեր արժեքով մոդուլային ծրագրեր են, որոնք կիրականացվեն ինչպես Հայաստանում, այնպես էլ արտերկրում»,- ասաց Վարդանյանը։

Նա նաև ասաց, որ նախագծի շրջանակում համատեղվելու է երեք բաղադրիչ՝ բարեգործությունը (համայնքի ղեկավարներն անվճար կբարձրացնեն իրենց որակավորումը), դրամաշնորհներ լավագույն ուսանողների համար, ինչպես նաև ուսման վարձի վճարում ընկերությունների կողմից՝ իրենց աշխատակիցների մակարդակը բարձրացնելու համար:

«Մենք գիտելիքը փոխարինել ենք դիպլոմներով, իսկ մեզ անհրաժեշտ է հենց գիտելիք», - ասաց Վարդանյանը:

Նա նաև վստահություն հայտնեց, որ նախագիծը հաջող կլինի, քանի որ «կա կամք և ցանկություն դրա իրականացման համար»:

Լավագույն միջազգային փորձը՝ հանուն Հայաստանի բարեկեցության

 «Սկոլկովո»-ի ռեկտոր Յուրի Լևինը, ով առաջին անգամ է Հայաստանում և տպավորված է երկրի հյուրընկալությամբ, ասաց, որ երկիրն ունի հսկայական ներուժ, որի իրացման համար անհրաժեշտ են առաջնորդներ և կառավարիչներ։

«Մենք շատ գոհ ենք, որ «Սկոլկովո»-ն հրավիրվել է մասնակցելու այս նախագծին: «Մատենայի» փիլիսոփայությունը շատ մոտ է «Սկոլկովո»-ին։ 15 տարվա ընթացքում դպրոցը կուտակել է մեծ փորձ: Մենք մեծ փորձ ունենք քաղաքային կառավարման համար կադրերի պատրաստման գործում: Ցանկանում ենք այդ ծրագիրը բերել Հայաստան, որը կհարմարեցվի տարածաշրջանային առանձնահատկություններին համապատասխան»,- ասաց Լևինը։

Նա նշեց, որ առաջին ծրագիրը նախատեսված է տեղական համայնքների ղեկավարների համար, որի նպատակն է որակավորման բարձրացումը։

Որպես դպրոցի երկրորդ ծրագիր ռեկտորը նշեց ընկերությունների թոփ-մենեջերների վերապատրաստումը։

«Երրորդ ծրագիրը կանանց առաջնորդության ծրագիրն է, որը յուրահատուկ է հետխորհրդային տարածքում։ Ծրագրի նպատակն է փոխել բիզնեսի մեջ կանանց դերի մասին պատկերացումը, սա հեղափոխական ծրագիր է», - ասաց Լևինը:

«Մատենա» դպրոցի տնօրեն Ռուբեն Հայրապետյանն էլ նշեց, որ Հայաստանում միշտ էլ եղել են ու կան բարձր որակավորում ունեցող մասնագետներ, սակայն նրանց պատրաստման և վերապատրաստման գործընթացն ընդհանուր առմամբ ունի հատվածական և ոչ համակարգային բնույթ:

«Այսօր հատկապես շատ է այն մարդկանց պակասը, ովքեր իրենց մասնագիտական ​​գիտելիքների, փորձի և անձնական աճի հիման վրա պատրաստ կլինեն ղեկավարել երկրին այդքան անհրաժեշտ բարեփոխումները ինչպես մասնավոր, այնպես էլ պետական ​​և մունիցիպալ հատվածներում։ Ակնհայտ է, որ ստեղծված իրավիճակը պահանջում է Հայաստանում պրոֆեսիոնալ ​​կրթության սկզբունքորեն նոր մշակույթի ձևավորում, հատկապես պրոֆեսիոնալ առաջնորդների պատրաստման ոլորտում»,- ասաց Հայրապետյանը։

«Մատենա» դպրոցի մասին

«Մատենա» դպրոցի միջազգային հոգաբարձուների խորհրդի և միջազգային ակադեմիական խորհուրդների կազմում կընդգրկվեն ականավոր քաղաքական և հասարակական գործիչներ, ակադեմիական և գործարար համայնքի ներկայացուցիչներ:

Առաջին ուսումնական ծրագրերը կմեկնարկեն 2022 թ.-ի առաջին եռամսյակում։ Դպրոցի ծրագրերի պոտենցիալ մասնակիցները կդառնան Հայաստանի քաղաքացիները, սփյուռքի ներկայացուցիչներն ու օտարերկրացիները, այդ թվում՝ Եվրասիական տնտեսական միության անդամ պետություններից և տարածաշրջանի այլ երկրներից։-0-

Partners News
Partners News
ԱՌԿԱ գործակալություն
Բաժնի այլ նյութեր
22:35
10 Հունվարի 2022
Pegasus ավիաընկերությունը Երևան-Ստամբուլ-Երևան երթուղով չվերթեր իրականացնելու թույլտվություն է ստացել
Pegasus ավիաընկերությունը Երևան-Ստամբուլ-Երևան երթուղով չվերթեր իրականացնելու թույլտվություն է ստացել
14:22
10 Հունվարի 2022
Հրամանը հրապարակվեց. հունվարի 22–ից հյուրանոց, սննդի օբյեկտ, մարզասրահ, գրադարան, թանգարան այցելողները պիտի ներկայացնեն QR կոդ կամ թեստի սերտիֆիկատ
Հրամանը հրապարակվեց. հունվարի 22–ից հյուրանոց, սննդի օբյեկտ, մարզասրահ, գրադարան, թանգարան այցելողները պիտի ներկայացնեն QR կոդ կամ թեստի սերտիֆիկատ
13:48
10 Հունվարի 2022
Դա իմ որդու և Աստծո տված պարգևն է. զոհված զինծառայողի մայրը զույգ երեխաների է սպասում
Դա իմ որդու և Աստծո տված պարգևն է. զոհված զինծառայողի մայրը զույգ երեխաների է սպասում
12:18
10 Հունվարի 2022
ԱՆ–ն կորոնավիրուսի թարմ տվյալներ է հրապարակել
ԱՆ–ն կորոնավիրուսի թարմ տվյալներ է հրապարակել
12:07
10 Հունվարի 2022
Նորքի ինֆեկցիոնի աշխատակիցները բողոքի ակցիա են կազմակերպել` նշելով, որ իրենց ազատում են աշխատանքից, ԱՆ–ն պարզաբանում է իրավիճակը (ՎԻԴԵՈ)
Նորքի ինֆեկցիոնի աշխատակիցները բողոքի ակցիա են կազմակերպել` նշելով, որ իրենց ազատում են աշխատանքից, ԱՆ–ն պարզաբանում է իրավիճակը.ՎԻԴԵՈ
21:31
08 Հունվարի 2022
«Օմիկրոնը» հասավ Հայաստան. երկու դեպք է հայտնաբերվել
«Օմիկրոնը» հասավ Հայաստան. երկու դեպք է հայտնաբերվել
19:07
08 Հունվարի 2022
Ադրբեջանն անկանոն կրակահերթեր է արձակել սահմանին, ՀՀ ԶՈւ-ն չի պատասխանել. ՊՆ
Ադրբեջանն անկանոն կրակահերթեր է արձակել սահմանին, ՀՀ ԶՈւ-ն չի պատասխանել
23:32
06 Հունվարի 2022
Հայաստանը ԶՈւ ստորաբաժանում կուղարկի Ղազախստան ՀԱՊԿ խաղաղապահ զորախմբերում խաղաղապահ գործողություններին մասնակցելու համար
Հայաստանը  ԶՈւ ստորաբաժանում կուղարկի Ղազախստան ՀԱՊԿ խաղաղապահ զորախմբերում խաղաղապահ գործողություններին մասնակցելու համար
10:15
06 Հունվարի 2022
Աշխարհասփյուռ հայությունը նշում է Սուրբ Ծնունդը
Հունվարի 6-ի առավոտյան մատուցվում է տոնական Ս.Պատարագ, որից հետո` կատարվում է Ջրօրհնեաց կարգ` ի հիշատակ Հիսուսի մկրտության
00:09
06 Հունվարի 2022
Հայաստանում շրջանառվում է հոնկոնգյան գրիպ. ռիսկի խմբում 0-5 տարեկան երեխաներն են
Հայաստանում շրջանառվում է հոնկոնգյան գրիպ. ռիսկի խմբում 0-5 տարեկան երեխաներն են
19:37
05 Հունվարի 2022
Հայ Առաքելական Եկեղեցին նշում է Սուրբ Ծննդյան Ճրագալույցը
Ճրագալույց նշանակում է ճրագ՝ մոմ, վառել (լուցանել): Այդ օրը երեկոյան մարդիկ եկեղեցում վառած ճրագներն իրենց հետ տուն են տանում: Այն խորհրդանշում է աստվածային լույս, եկեղեցու օրհնություն: Ճրագալույցը խորհրդանշում է նաև բեթղեհեմյան աստղի լույսը, որն առաջնորդեց մոգերին դեպի Հիսուս Մանուկը
15:45
05 Հունվարի 2022
Հայաստանում ծխախոտը պետք է «տակից» վաճառեն. ծխախոտ, ծխախոտի տուփ վաճառքի կետերում այլևս չեն երևալու (ՎԻԴԵՈ)
Հայաստանում ծխախոտը պետք է «տակից» վաճառեն. ծխախոտ, ծխախոտի տուփ վաճառքի կետերում այլևս չեն երևալու. ՎԻԴԵՈ