Մարության. զվարճալի է ասել, որ տուգանքներն ազդել են Sanitek–ի աշխատանքի վրա

ԵՐԵՎԱՆ, 2 օգոստոսի./Նովոստի–Արմենիա/. Երևանի քաղաքապետ Հայկ Մարությանն ուրբաթ 1in.am–ին տված հարցազրույցում զվարճալի համարեց խոսել այն մասին, որ տուգանքներն ազդել են Sanitek ընկերության աշխատանքի վրա։ 

Այս տարվա գարնանը Sanitek–ը երկու անգամ տուգանվել է Երևանում աղբահանության ոլորտում ստանձած պարտավորությունները չկատարելու համար (ապրիլի 15–ին` 13մլն դրամով և մայիսի 3–ին ` 26 մլն դրամով)։ Դրան ի պատասխան Sanitek International ընկերությունը հայց է ներկայացրել Երևանի քաղաքապետարանի դեմ։ Հայցի գումարը կազմում է 24 702 187.6 դրամ (մոտ 51,784 դոլար)։ 

«Մենք նշանակել ենք տուգանքներ, քանի որ ես, դուք, մենք բոլորս ամեն օր դուրս ենք գալիս փողոց և տեսնում ենք, թե ինչ վիճակում է գտնվում աղբահանության գործընթացը։ Դրանից հետո նրանք հայտարարում են «անհիմն տուգանքների» մասին։ Այսինքն, նրանց համար այս իրավիճակը նորմալ է», – նշեց քաղաքապետը։

Միաժամանակ Մարությանը հայտարարեց, որ նշանակված տուգանքների գումարը կազմում է ընկերության վճարած գումարի ընդամենը 3%–ը։ 

«Խոսել այն մասին, որ այս տուգանքներն էապես ազդել են ընկերության աշխատանքի վրա, առնվազն զվարճալի է», – ասաց նա։

Ուրբաթ Sanitek ընկերության տնօրեն Նիկոլաս Էլ Թավիլը հայտարարեց, որ ընկերությունը ենթարկվում է ագրեսիվ ադմինիստրատիվ հետապնդման։–0–