+31
Եղանակը Երևանում
Հայ

ՄԻՊ–ը հայտնում է խախտումների մասին ակցիայի մասնակիցներին բերման ենթարկելու ժամանակ. ոստիկանության բաժին է տեղափոխվել 13 դեռահաս

11:09
29 Ապրիլի 2022

ԵՐԵՎԱՆ, 29 ապրիլի./Նովոստի–Արմենիա/. ՀՀ մարդու իրավունքների պաշտպանի աշխատակազմը հանդես է եկել հայտարարությամբ ակցիաների մասնակիցներին բերման ենթարկելիս ոստիկանների կողմից թույլ տված խախտումների կապակցությամբ։

Ինչպես նշվում է հայտարարության մեջ, հավաքներին երեխաների մասնակցությանը և նրանց իրավունքների իրացման ապահովման հետ կապված հարցերը գտնվում են Մարդու իրավունքների պաշտպանի հատուկ ուշադրության ներքո:

Իրականացվում է ինչպես աշխատակազմի մշտադիտարկման արդյունքների, այնպես էլ բողոքների ուսումնասիրություն` հիմք ընդունելով գործող իրավակարգավորումները, վերաբերելի միջազգային կանոններն ու պրակտիկան:

Այս նպատակով Պաշտպանի աշխատակազմի ներկայացուցիչները, այդ թվում՝ հոգեբան-փորձագետը, այցեր են իրականացրել Ոստիկանության Երևան քաղաքի վարչության տարբեր ստորաբաժանումներ, որտեղ աշխատակազմի տեղեկություններով բերման ենթարկված անձանց մեջ եղել են նաև երեխաներ:

Այցերի ընթացքում առանձնազրույցներ են իրականացվել երեխաների, նրանց ծնողների, ինչպես նաև հավաքներին մասնակցած այլ անձանց հետ, ովքեր այցերի պահին գտնվել են ոստիկանության ստորաբաժանումների մոտակայքում:

«Առանձնազրույցների ընթացքում արձանագրվել է, որ ոստիկանության բաժիններ ներկայացված երեխաները հիմնականում եղել են 16-17, իսկ մեկը՝ 13 տարեկան: Ըստ երեխաների և այլ ականատեսների հայտնած տեղեկությունների՝ 13 տարեկան երեխան մեքենա է նստեցվել ոստիկանության 4 ծառայողների, իսկ մյուսները՝ 4-6 ծառայողների կողմից», – նշվում է հայտարարության մեջ:

Արձանագրվել է նաև, որ 13 տարեկան երեխային ոստիկանության մեքենա նստեցնելու պահին հավաքի մասնակիցներից ոմանք ոստիկանության ծառայողներին տեղեկացրել են երեխայի տարիքի մասին, սակայն այս հանգամանքը հաշվի չի առնվել վերջիններիս կողմից:

Առանձնազրույցների ընթացքում երեխաները հայտնել են, որ մինչև ոստիկանության բաժիններ հասնելը չի ներկայացվել և պարզաբանվել իրենց իրավունքները, այդ թվում՝ չեն տեղեկացրել, թե իրենց ոստիկանության, որ բաժին են տեղափոխում, ինչ հիմքով և նպատակով:

Որոշ երեխաներ նշել են, որ ոստիկանության ծառայողներն իրենց չեն պարզաբանել նաև վարչական և քրեական ձերբակալման հասկացությունների տարբերությունները, իսկ տրամադրվող տեղեկություններն ոչ միշտ են իրենց համար հասկանալի եղել:

Օրինակ՝ 13 տարեկան երեխայի ընկալմամբ ինքը ոստիկանների կողմից բերման է ենթարկվել հավաքին մասնակցելու համար:

Առանձնազրույցների ընթացքում արձանագրվել է նաև, որ ոստիկանության ծառայողները երեխաներին, որոշ դեպքերում ծառայողական ավտոմեքենաներ են նստեցրել անհամաչափ ուժի գործադրմամբ, իսկ որոշների պնդմամբ՝ նաև ֆիզիկական ցավ պատճառելով:

Այցի պահին առանձնազրույցներին մասնակցած երեխաները գտնվում էին կայուն հուզական վիճակում:

Այնուամենայնիվ, Պաշտպանի աշխատակազմի ներկայացուցիչների կողմից արձանագրվել են դեպքեր, երբ ոստիկանության բաժիններում ոչ միշտ է հասանելի եղել երեխաների հուզական կայուն վիճակի ապահովման պայմաններ։

Մինչդեռ, պետության պոզիտիվ պարտավորությունները և միջազգային չափորոշիչները պահանջում են, որ իրավապահ մարմինների հետ շփվելիս երեխայի համար ապահովված լինի երեխայակենտրոն միջավայր՝ բացառելու ոստիկանական գործողության ցանկացած բացասական ազդեցությունը անչափահասի իրավունքների իրացման վրա։

Պաշտպանի աշխատակազմի ներկայացուցիչների մշտադիտարկումները վկայում են նաև, որ անչափահասներին ոստիկանության բաժիններ տեղափոխելիս ոչ միշտ է կիրառվում տարբերակված, մասնավորապես, երեխայակենտրոն մոտեցում, ինչի հետևանքով արձանագրվում են երեխայի լավագույն շահի խախտման դեպքեր:

Այս կապակցությամբ Պաշտպանը հատուկ արձանագրում է, որ երեխային առնչվող բոլոր հարցերում սկզբունքային նշանակություն ունի նրա լավագույն շահի ընկալումը իրավապահ մարմինների կողմից՝ որպես բացարձակ արժեք:

Այցերի և մշտադիտարկման ընթացքում արձանագրված խնդիրների կապակցությամբ լրացուցիչ տեղեկությունների և պարզաբանումների պահանջով Պաշտպանը գրություններ կհասցեագրի իրավասու պետական մարմիններին:–0–

Ծանոթացեք լուրերին առաջինն ու քննարկեք դրանք մեր Telegram-յան ալիքում

Partners News
ԱՌԿԱ գործակալություն
Բաժնի այլ նյութեր
13:56
09 Հունիսի 2022
Հարավային Կովկասում տրանսպորտային կոմունիկացիաների ապաշրջափակման շրջանակում ներդրվելիք ռեժիմը հենվելու է բացարձակապես ՀՀ տարածքի սուվերենության վրա. Լավրով
Լավրովը Երևանում ընդգծել է, որ Հարավային Կովկասում տրանսպորտային կոմունիկացիաների ապաշրջափակման շրջանակում ներդրվելիք ռեժիմը հենվելու է բացարձակապես ՀՀ տարածքի սուվերենության վրա
12:48
09 Հունիսի 2022
ԶՈւ-ի գնումները իրականացնելու է ՊՆ-ն, ԳՇ պետը կլինի պաշտպանության նախարարի առաջին տեղակալ․ կառավարությունը հաստատեց նախագիծը
ԶՈւ-ի գնումները իրականացնելու է ՊՆ-ն, ԳՇ պետը կլինի պաշտպանության նախարարի առաջին տեղակալ․ կառավարությունը հաստատեց նախագիծը
11:15
09 Հունիսի 2022
Բարի և ուրախ լուր Արտաշատի ԲԿ-ից. լույս աշխարհ են եղել Քաշաթաղից տարհանված ընտանիքի 12-րդ և 13-րդ զավակները
Բարի և ուրախ լուր Արտաշատի ԲԿ-ից. լույս աշխարհ են եղել Քաշաթաղից տարհանված ընտանիքի 12-րդ և 13-րդ զավակները
10:25
09 Հունիսի 2022
Ընդդիմությունը Լավրովի այցին նվիրված երթ է կազմակերպել Երևանի կենտրոնում (ՈւՂԻՂ)
Ընդդիմությունը Լավրովի այցին նվիրված երթ է կազմակերպել Երևանի կենտրոնում. ՈւՂԻՂ
20:37
08 Հունիսի 2022
Ժամանակին համընթաց. «ՀայՓոստը» գործարկում է նորարարական էլեկտրոնային համակարգ (ՖՈՏՈ)
«ՀայՓոստ»-ը գործարկում է նոր՝ «Էլեկտրոնային իրավահավաստի փոստ» ծառայությունը, որը հնարավորություն է ընձեռում նամակներ ստանալ բջջային հավելվածի միջոցով. ՖՈՏՈ
11:06
08 Հունիսի 2022
Մահացել է ԵՊՀ նախկին ռեկտոր Արամ Սիմոնյանը
Մահացել է ԵՊՀ նախկին ռեկտոր Արամ Սիմոնյանը
10:50
08 Հունիսի 2022
Եվրախորհրդարանը Թուրքիային կրկին կոչ է արել ճանաչել Հայոց ցեղասպանությունը
Եվրախորհրդարանը Թուրքիային կրկին կոչ է արել ճանաչել Հայոց ցեղասպանությունը
22:38
07 Հունիսի 2022
10 անձ կալանավորվել է Երևանի Պռոշյան-Դեմիրճյան փողոցների խաչմերուկում զանգվածային անկարգությունների դեպքի առթիվ հարուցված քրգործով (ՎԻԴԵՈ)
10 անձ կալանավորվել է Երևանի Պռոշյան-Դեմիրճյան փողոցների խաչմերուկում զանգվածային անկարգությունների դեպքի առթիվ հարուցված քրգործով. ՎԻԴԵՈ
17:57
07 Հունիսի 2022
«Անկանխիկ ամառ». 22 ուղեգիր հաղթելու հնարավորություն Ամերիաբանկի հաճախորդներին
Անկանխիկ վճարումները նախընտրող Visa-քարտապանների համար  Ամերիաբանկը հայտարարում է «Անկանխիկ ամառ» գովազդային վիճակախաղը` հնարավորություն ընձեռելով բացահայտելու Հայաստանի մարզերից մեկը
16:12
07 Հունիսի 2022
Wizz Air–ը մեկնարկել է Լառնակա- Երևան- Լառնակա չվերթեր
Wizz Air–ը մեկնարկել է Լառնակա- Երևան- Լառնակա չվերթեր
14:29
07 Հունիսի 2022
Ավանեսյանը մեկնաբանել է ջրծաղիկի տարածման հետ կապված իրավիճակը
Ավանեսյանը մեկնաբանել է ջրծաղիկի տարածման հետ կապված իրավիճակը
13:43
07 Հունիսի 2022
Այսօր 8 ժամ ջուր չի լինի Երևանի Կենտրոնի և Էրեբունի համայնքի մի շարք հասցեներում
Այսօր 8 ժամ ջուր չի լինի Երևանի Կենտրոնի և Էրեբունի համայնքի մի շարք հասցեներում