Ինչու՞ չկա թեքահարթակ Փակ շուկայի դիմաց գտնվող գետնանցումում. պարզաբանում է քաղաքապետարանը
17.02.2023,
13:19
Քաղաքապետարանից մեկնաբանել են Փակ շուկայի դիմացի հիմնանորոգված գետնանցումում թեքահարթակների բացակայությունը
ԵՐԵՎԱՆ, 17 փետրվարի./Նովոստի-Արմենիա/. Երևաի քաղաքապետարանի խոսնակ Լևոն Սարդարյանը մեկնաբանել է Փակ շուկայի դիմացի հիմնանորոգված գետնանցումում թեքահարթակների բացակայությունը:
Նախօրեին գետնանցումը հանձնվել է շահագործման, այն հիմնովին վերանորոգվել է:
«Նախ՝ խնդիր կա ձևի և բովանդակության հետ կապված։ Ձևի համար կարելի էր կառուցել թեքահարթակ , որը, սակայն, հաշվի առնելով աստիճանների թեքությունը, բովանդակային առումով ոչ ֆունկցիոնալ կլիներ», - նշել է Սարդարյանը։
Նա հավատացրել է, որ հաշմանդամություն ունեցող որևէ անձ այդ թեքությունը հաղթահարել ուղղակի չի կարող։
«Սրան գումարած՝ գետնանցումից մոտ երեսուն մետր հեռավորության վրա կա հետիոտների համար նախատեսված անցուղի։ Անկախ դրանից, սակայն, Երևանի քաղաքապետարանը որոշել է գետնանցումի տարածքը աճուրդի միջոցով տալ վարձակալության և դրա հիմնական նախապայմաններից մեկը լինելու է սահմանափակ հնարավորություններ ունեցող քաղաքացիների համար նախատեսված հատուկ կահավորված վերելակային համակարգի տեղադրումը», - նշել է Սարդարյանը։-0-
Նախօրեին գետնանցումը հանձնվել է շահագործման, այն հիմնովին վերանորոգվել է:
«Նախ՝ խնդիր կա ձևի և բովանդակության հետ կապված։ Ձևի համար կարելի էր կառուցել թեքահարթակ , որը, սակայն, հաշվի առնելով աստիճանների թեքությունը, բովանդակային առումով ոչ ֆունկցիոնալ կլիներ», - նշել է Սարդարյանը։
Նա հավատացրել է, որ հաշմանդամություն ունեցող որևէ անձ այդ թեքությունը հաղթահարել ուղղակի չի կարող։
«Սրան գումարած՝ գետնանցումից մոտ երեսուն մետր հեռավորության վրա կա հետիոտների համար նախատեսված անցուղի։ Անկախ դրանից, սակայն, Երևանի քաղաքապետարանը որոշել է գետնանցումի տարածքը աճուրդի միջոցով տալ վարձակալության և դրա հիմնական նախապայմաններից մեկը լինելու է սահմանափակ հնարավորություններ ունեցող քաղաքացիների համար նախատեսված հատուկ կահավորված վերելակային համակարգի տեղադրումը», - նշել է Սարդարյանը։-0-
Պատճենել հղումը
