ԵՐԵՎԱՆ, 22 սեպտեմբերի./Նովոստի–Արմենիա/. ՀՀ ՇՄՆ Հիդրոօդերևութաբանության և մոնիթորինգի կենտրոնը ներկայացնում է առաջիկա օրերի եղանակի կանխատեսումը։
Այսպես, սեպտեմբերի 23-ին ցերեկը, 24-ի երեկոյան ժամերին առանձին շրջաններում, 25-ի գիշերը շրջանների զգալի մասում սպասվում է կարճատև անձրև և ամպրոպ: Սեպտեմբերի 25-ի ցերեկը, 26-27-ին սպասվում է առանց տեղումների եղանակ:
Քամին՝ հարավարևմտյան 6-10 մ/վրկ, սեպտեմբերի 22-24-ին առանձին վայրերում սպասվում է քամու ուժգնացում՝ 20-25 մ/վրկ արագությամբ:
Օդի ջերմաստիճանը սեպտեմբերի 22-ի ցերեկը կնվազի 4-5, 25-ի ցերեկը և 26-ի գիշերը ևս 5-7 աստիճանով:
Ամենացուրտ եղանակը սպասվում է սեպտեմբերի 26–ի գիշերը Շիրակի մարզում, որտեղ օդի ջերմաստիճանը կտատանվի -2...+3 աստիճանի սահմանում։ Գեղարքունիքի մարզում կգրանցվի -1...+4 աստիճանի սահմանում, Արագածոտնի լեռներում` -1...+3 աստիճանի սահմանու, Կոտայքի լեռներում և Լոռու մարզում` -4...+5 աստիճանի սահմանում։
Մայրաքաղաք Երևանում սեպտեմբերի 23–ին, սեպտեմբերի 25-ի գիշերը սպասվում է կարճատև անձրև և ամպրոպ: Սեպտեմբերի 23-ի գիշերը, 24-ին, 25-ի ցերեկը, 26-27-ին սպասվում է առանց տեղումների եղանակ: Սեպտեմբերի 22-24-ին սպասվում է քամու ուժգնացում` 18-20 մ/վրկ արագությամբ։
Այսօր ցերեկը կանխատեսվում է +26...+28, իսկ արդեն կիրակի ջերմաստիճանը կնվազի` հասնելով +22...+24–ի, երեքշաբթի կրկին կբարձրանա` +24...+26։–0–
Ծանոթացեք լուրերին առաջինն ու քննարկեք դրանք մեր Telegram-յան ալիքում