Գյումրի-Երևան ճանապարհին սաստիկ բուք է (ՎԻԴԵՈ)

ԵՐԵՎԱՆ, 6 փետրվարի./Նովոստի–Արմենիա/. Գյումրի-Երևան ճանապարհի Լանջիկի հատվածում սաստիկ բուք է։ Այս մասին հայտնում է ՀՀ ՇՄՆ Հիդրոօդերևութաբանության և մոնիթորինգի կենտրոնի տնօրենի տեղակալ Գագիկ Սուրենյանը` հրապարակելով տեսանյութ։

Միջերկրական ծովից ակտիվ ցիկլոն է ներթափանցել Հայաստան։ Հանրապետության շրջանների մեծ մասում գրանցվում են տեղումներ ձյան տեսքով, բուք, ցածր հորիզոնական տեսանելիություն։

Վաղվանից Երևանում սպասվում է ջերմաստիճանի կտրուկ նվազում` մինչև -8։ Այս շաբաթ ամենաբարձր ջերմաստիճանը կգրանցվի այսօր ցերեկը` +7, ամենացածրը` փետրվարի 10–ի գիշերը` -6...-8։ Փետրվարի 6–ին և 7–ին Երևանում սպասվում է թաց ձյուն և քամի, իսկ փետրվարի 8–9–ը` ձյուն և մառախուղ։–0–