ԵՐԵՎԱՆ, 14 սեպտեմբերի./Նովոստի–Արմենիա/. Գորիս-Կապան ճանապարհին ստեղծված իրավիճակի հարցով Ազգային ժողովում փակ նիստ անցկացնելու պայմանավորվածություն է ձեռք բերվել։
Ինչպես տեղեկացնում է «Արմենպրես»-ը, լրագրողների հետ ճեպազրույցում այս մասին ասել է «Հայաստան» խմբակցության քարտուղար Արծվիկ Մինասյանը։
«Երեկ «Հայաստան» խմբակցության անունից գրություն ենք ուղարկել և առաջարկել, որ նիստին ներկա գտնվեն առաջին դեմքերի մակարդակով։ Շատ կարևոր է, որ լիարժեք տեղեկատվություն ստանանք»,- հավելել է Մինասյանը։
Արծվիկ Մինասյանը նշել է, որ հնարավոր է` քննարկմանը պետական գաղտնիքի տարրեր լինեն, հետևաբար պատրաստ են նաև փակ քննարկման։
«Գլխավոր խնդիրն այն է, որ երկրի առջև ծառացած այս մարտահրավերները կարողանանք լուծել։ Բոլոր ուղղություններով անելիքներ կան։ Ամենապարզ օրինակն այն է, որ այսօր խախտվել է ՀՀ ինքնիշխանությունը։ Ըստ էության, այդ տարածքում կորցրել ենք ինքնիշխանությունը, տարածքային ամբողջականությունը խախտված է և այդ հարցով պետք է քրեական գործ հարուցված լինի։ Սպասում ենք, որ գլխավոր դատախազը պետք է պատասխանի բոլոր հարցերին», – նշել է Արծվիկ Մինասյանը։
Պատգամավորը հավելել է նաև, որ ԱԳՆ-ից պետք է տեղեկանան` արդյոք իրանական կողմի հետ անհրաժեշտ աշխատանքներ տարվում են, թե ոչ կամ միջազգային հարթակներում ինչ գործընթացներ են իրականացվում։
«ԱԺ ղեկավարության հետ քննարկման արդյունքում որոշվել է, որ լինելու է փակ քննարկում։ Իրենք ձգտելու են, որ առաջին դեմքերն անպայման ներկա լինեն, որովհետև մի մասը Հայաստանում չեն, բայց ակնկալում ենք, որ կհասցնեն և կգան։ Պայմանավորվածություն է ձեռք բերվել, որ դա պետք է հնարավորինս արագ կազմակերպվի։ Դա կա՛մ այսօր, կա՛մ վաղն է լինելու»,- եզրափակել է Մինասյանը։
Սեպտեմբերի 12–ին ՀՀ
ԱԱԾ–ն
հայտարարություն
է
տարածել`
նշելով,
որ
սեպտեմբերի
12-ին, ժամը
12։00-ից
Գորիս-Կապան
միջպետական
ճանապարհի
Որոտան
բնակավայրի
մոտ
Ադրբեջանի
վերահսկողության
տակ
գտնվող
Էյվազլի
բնակավայրի
հատվածում,
Ադրբեջանի
Հանրապետության
ոստիկանության
կողմից
իրականացվում
է
իրանական
պետհամարանիշներով
բեռնատարների
վարորդների
ու
բեռի
փաստաթղթերի
ստուգում։
ՀՀ
ազգային
անվտանգության
ծառայության
սահմանապահ
զորքերի
և
ՌԴ
ԱԴԾ
սահմանապահ
ծառայության
զինծառայողների
կողմից
համատեղ
աշխատանքներ
են
իրականացվում
առաջացած
իրավիճակը
կարգավորելու
ուղղությամբ։–0–
