Գետափ-Մարտունի ճանապարհի 7-րդ կիլոմետրը շարունակում է միակողմանի երթևեկելի մնալ, կամրջի փլուզման վտանգ կա

ԵՐԵՎԱՆ, 26 ապրիլի./Նովոստի–Արմեինա/. Գետափ-Մարտունի ավտոճանապարհի 7-րդ կմ-ին՝ Եղեգիս գետի վրա կառուցված կամրջի փլուզման վտանգով պայմանավորված՝ ճանապարհահատվածը միակողմանի երթևեկելի է, հաղորդում է Փրկարար ծառայությունը։

Փակ է Արագածոտնի մարզի Ամբերդ ամրոցի խաչմերուկից Քարի լիճ տանող ավտոճանապարհը։

Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։–0–