ԵՐԵՎԱՆ, 24 օգոստոսի․/Նովոստի-Արմենիա/․ «Հայաստան» դաշինքը մասնակցելու է կառավարության ծրագրի քննարկմանը, որպեսզի բացահայտի այն ամենը, ինչը կապված է իշխանության հետ։
Այս մասին այսօր Ազգային ժողովի նիստի ժամանակ հայտարարեց «Հայաստան» խմբակցության պատգամավոր Գեղամ Մանուկյանը։
«Մենք անցնող ամիսներին ասել ենք, հիմա էլ համոզված ենք՝ այս իշխանությունը, վարչապետի աթոռը զբաղեցնողը հողատու է և դավաճան, բայց այս ծրագրի քննարկմանը մասնակցելու ենք, որպեսզի ամբողջովին քողազերծենք այն»,- նշեց Մանուկյանը։
Մանուկյանի ելույթից հետո իշխող խմբակցության պատգամավորները աղմուկ բարձրացրին, ինչը հանդարտեցրեց Ազգային ժողովի նախագահ Ալեն Սիմոնյանը:
«Կարծում եմ՝ մեր քաղաքացիները հնչեցված մեղադրանքին վաղուց արդեն պատասխանել են»,-ասաց Ալեն Սիմոնյանը։
Այսօր ԱԺ–ն քննարկում է կառավարության 5–ամյա ծրագիրը։ ԱԺ–ում է նաև ՀՀ վարչապետ Նիկոլ Փաշինյանը։–0–
