«էդ գերիներին համարում եմ, որ արդեն իրանք չկան, իմ համար չկան»․սկանդալային տեսանյութ է հրապարակվել՝ Ալեն Սիմոնյանի մասնակցությամբ (ՎԻԴԵՈ)

ԵՐԵՎԱՆ, 7 դեկտեմբերի․/Նովոթստի-Արմենիա/․ ԱԺ խոսնակ Ալեն Սիմոնյանը ԱԺ-ում կազմակերպված միջոցառման ընթացքում սկանդալային հայտարարություն է արել գերիների մասին։

Տեսանյութը հրապարակվել է Telegram ալիքներից մեկում, ինչպես նաև հայկական մի շարք ԶԼՄ-ներում։ Տեսանյութի նկարահանման ամսաթիվն ու վայրը նշված չէ։

Մասնավորապես պատասխանելով այն հարցին, թե գերիները կարո՞ղ են 2-3 ամիս սպասել՝ Սիմոնյանն ասում է․«Ոչ, սխալ ա, չեn հասկանում։ Էտ գերիների, էտ մարդկանց, էտ զինվորների նպատակը ո՞րն ա եղել, որ նրանք գնացել են»։

«Հիմա կներես, մի քիչ կարող ա սխալ բան եմ ասում, բայց ես էդ գերիներին համարում եմ, որ արդեն իրանք չկան, իմ համար չկան։ Իսրայելը, Իսրայելը, Իսրայելը երբ որ տեռորիստը վերցնում է ինքնաթիռ, ինքը տեռորիստի հետ չի բանակցում, ինքը խփում ա էդ ինքնաթիռը։ Իսկ գիտե՞ս էդ գերիները ովքեր են, գիտե՞ք՝ էդ գերիները ովքեր են։ էն մարդիկ են, որոնք զենքը դրել, և փախել, և մոլորվել են», - ասում է Սիմոնյանը։-0-