Երթևեկի փոփոխություն է նախատեսված Երևանի խաչմերուկներից մեկում
05.11.2021,
12:35
Կարևոր` վարորդների համար. երթևեկի փոփոխություն է նախատեսված Երևանի խաչմերուկներից մեկում
![Երթևեկի փոփոխություն է նախատեսված Երևանի խաչմերուկներից մեկում Երթևեկի փոփոխություն է նախատեսված Երևանի խաչմերուկներից մեկում](/upload/iblock/760/chlh81hgcd82zvr6xcy3vb274tx1l4kc.jpg)
ԵՐԵՎԱՆ, 5 նոյեմբերի./Նովոստի–Արմենիա/. Տրանսպորտային միջոցների երթևեկության հապաղումներից և հնարավոր խցանումներից խուսափելու նպատակով 2021 թ. նոյեմբերի 6-ին Երևան քաղաքի Արցախի պողոտա-Այվազովսկու փողոց խաչմերուկում կկատարվի երթևեկության կազմակերպման փոփոխություն, հաղորդում է ՀՀ ոստիկանությունը:
Փոփոխության արդյունքում Արցախի պողոտայի համապատասխան ուղղության երթևեկելի հատվածի 1-ին երթևեկելի գոտին կառանձնացվի միայն «դեպի աջ» (նախկինում «ուղիղ կամ դեպի աջ»-ի փոխարեն) դեպի Այվազովսկու փողոց տրանսպորտային միջոցների անընդհատ երթևեկության համար:–0–