ԵՐԵՎԱՆ, 24 հունվարի./Նովոստի–Արմենիա/. Հայաստանում ԵՄ լիարժեք քաղաքացիական առաքելությունը բաղկացած կլինի մոտ 100 մարդուց։ Այս մասին հայտարարել է ԵՄ արտաքին գործերի և անվտանգության քաղաքականության գերագույն ներկայացուցիչ Ժոզեպ Բորելը։
Եվրամիությունը երկուշաբթի որոշեց քաղաքացիական առաքելություն ուղարկել Հայաստանի սահմանամերձ շրջաններ՝ նախնական երկու տարի ժամկետով։ Առաքելության խնդիրն է աջակցել կայունությանը, տեղում վստահության ամրապնդմանն ու պայմանների ստեղծմանը Հայաստանի և Ադրբեջանի միջև հարաբերությունների կարգավորման համար։
Առաքելության նախնական մանդատը կլինի երկու տարի, իսկ օպերատիվ շտաբը կլինի Հայաստանում։ Քաղաքացիական օպերացիայի հրամանատարը կլինի Ստեֆանո Տոմատը։ Առաջիկայում առաքելության ղեկավար կնշանակվի, որը կղեկավարի գործողությունները տեղում։
2022 թվականի հոկտեմբերին ԵՄ ԱԳ նախարարները համաձայնացրել են հաստատել առաջին քաղաքացիական առաքելությունը՝ Հայաստանի և Ադրբեջանի սահմանին առկա խնդիրները լուծելու համար։ Նրանք ԵՄ-ի մինչև 40 փորձագետներ էին ուղարկել Ադրբեջանի հետ սահմանի հայկական կողմ՝ տարածաշրջանում տիրող իրավիճակի մոնիտորինգի, վերլուծության և հաշվետվություններ կազմելու համար համար։ Առաջին առաքելության աշխատանքը տևել է երկու ամիս։-0-
Ծանոթացեք լուրերին առաջինն ու քննարկեք դրանք մեր Telegram-յան ալիքում
