Կորոնավիրուսից բուժվող ՀՀ նախագահն առաջիկա օրերի դուրս կգրվի հիվանդանոցից, նրան ցուցված է անկողնային ռեժիմ

ԵՐԵՎԱՆ, 18 հունվարի./Նովոստի–Արմենիա/.Նոր տիպի կորոնավիրուսից հիվանդանոցում բուժվող Հանրապետության նախագահ Արմեն Սարգսյանն առաջիկա օրերին դուրս կգրվի բուժհաստատությունից, հաղորդում է ՀՀ նախագահի մամուլի ծառայությունը։

Նախագահը բուժումը կշարունակի տնային պայմաններում՝ բժիշկների հսկողության տակ: Նրան ցուցված է անկողնային ռեժիմ։

Ապաքինվելուց հետո և բժիշկների համապատասխան թույլտվությունն ստանալուն պես Հանրապետության նախագահը կվերադառնա Հայաստան, մինչ այդ կշարունակի աշխատել հեռավար։

Հիշեցնենք, որ հունվարի 5–ին հայտնի էր դարձել, որ Լոնդոնում գտնվող ՀՀ նախագահը վարակվել է կորոնավիրուսով։–0–