ԵՐԵՎԱՆ, 7 փետրվարի./Նովոստի–Արմենիա/. Նախնական հաշվարկների՝ հունվարի 25-ից փետրվարի 5-ն ընկած ժամանակահատվածում Չինաստանից Հայաստան է վերադարձել 214 ՀՀ քաղաքացի, հայտարարել է Չինաստանում ՀՀ արտակարգ և լիազոր դեսպան Սերգեյ Մանասարյանը։
Загружается новость ... "Лево"
«Ներկայումս ՉԺՀ-ում ՀՀ դեսպանություն՝ իրենց տվյալներն ուղարկելու դեսպանության հորդորին արձագանքել է շուրջ 470 քաղաքացի, որոնց մի մասը վերջին օրերին Հայաստան է վերադարձել», –նշել է նա news.am–ին տված հարցազրույցում։
«Սակայն, մեր կարծիքով, դա չի արտացոլում ամբողջական պատկերը, քանի որ կան քաղաքացիներ, որոնք դեսպանության հայտարարությանը չեն արձագանքել», – ասել է դեսպանը։
Մանասարյանի խոսքով, Չինաստանի նման մեծ երկրի պայմաններում դեսպանություն են այցելում հիմնականում Պեկինում բնակվող ՀՀ քաղաքացիները, իսկ այլ քաղաքներում բնակվող քաղաքացիների հետ կապն ապահովվում է հեռախոսի, էլեկտրոնային փոստի միջոցով, ինչպես նաև օգտագործվում են սոցիալական ցանցերի և բջջային հավելվածների հարթակները, որտեղ գրանցված են ՉԺՀ-ում բնակվող հայերը, ինչպես նաև դեսպանության դիվանագետները:
Չինաստանում կորոնավիրուսով վարակ է գրանցվել է ավելի քան 31 հազար մարդու մոտ, 638 մարդ մահացել է, 1764–ը` բուժվել։–0–