Չվերթերը դեպի ՌԴ վերսկսվել են. ի՞նչ է կատարվում «Զվարթնոց»-ում (ՎԻԴԵՈ)

ԵՐԵՎԱՆ, 1 փետրվարի./Նովոստի–Արմենիա/. Վերսկսվել են դեպի Ռուսաստան չվերթերը:

Հիշեցնենք, որ փետրվարի 1–ից մինչև մարտի 1–ը մեկնարկել է «Ճամփորդի՛ր առանց COVID-19» պիլոտային ծրագիրը, համաձայն որի Հայաստանից Ռուսաստան և հակառակ ուղղությամբ ճամփորդելու համար ուղևորին թույլատրվում է պետական սահմանը հատել կորոնավիրուսային հիվանդության հետազոտության բացասական արդյունքի առկայության դեպքում։ Ընդ որում՝ նմուշառումը պետք է իրականացվի թռիչքի ժամից առավելագույնը 72 ժամ առաջ։

Այսօր մեկնելուց առաջ բազմաթիվ քաղաքացիների մոտ խնդիրներ են առաջացել, քանի որ նրանցից շատերը կորոնավիրուսի թեստ են հանձնել այնպիսի լաբորատորիաներում, որոնք ներառված չեն «Ճամփորդի՛ր առանց COVID-19» ծրագրում։ 

Բացի այդ, լուրջ խնդիրներ են առաջացել` կապված դեպի ՌԴ ավիատոմսերի գների հետ։ Բազմաթիվ քաղաքացիներ, ովքեր մտադիր են Հայաստանից մեկնել Ռուսաստան, բախվում են դժվարությունների հետ ավիատոմսեր գնելիս, տեղեկություններ են տարածվել, որ տոմսերի գները կտրուկ աճել են։ Բազմաթիվ հերթեր են գոյացել ավիատոմսերի վաճառքի կետերում։–0–