Արդշինբանկը բարելավել է անշարժ գույքի գրավադրմամբ վարկավորման պայմանները
ԵՐԵՎԱՆ, 11 մարտի./Նովոստի–Արմենիա/. Արդշինբանկը բարելավել է անշարժ գույքի գրավադրմամբ վարկերի տրամադրման պայմանները, հաղորդում է Արդշինբանկի մամուլի ծառայությունը։
Վարկերը կարելի է ստանալ հետևյալ պայմաններով՝
- Առանց եկամուտների առկայության,
- Գրավի իրացվելի արժեքի մինչև 80%-ի չափով,
- Մինչև 15 տարի վարկի մարման ժամկետով,
- Վարկի մայր գումարի մարման մինչև 24 ամիս արտոնյալ ժամանակահատվածով,
- Վարկի վճարումները մինչև 6 ամիս հետաձգելու հնարավորությամբ (վարկային արձակուրդ),
- Տարեկան անվանական տոկոսադրույքը սկսած ՀՀ դրամով` 13,5%-ից, ԱՄՆ դոլարով` 11,5%, եվրոյով` 10,5%-ից,
- Տարեկան փաստացի տոկոսադրույքը՝ 12.9% - 23%,
- Ապահովագրվելու դեպքում վարկը տրամադրվում է 1% ավելի ցածր տոկոսադրույքով,
- Վարկի գումարի տրամադրում 1 տարվա ընթացքում՝ միանվագ կամ մաս-մաս,
- Վարկի նախնական տրամադրման որոշումը կատարվում է 5 րոպեում:
Վարկատեսակից կարող են օգտվել 21 տարին լրացած ՀՀ-ում կամ ԱՀ-ում բնակվող ֆիզիկական անձինք, ովքեր՝
- Հանդիսանում են անշարժ գույքի սեփականատեր և/կամ
- Հանդիսանում են այլ ՀՀ Բանկերի և վարկային կազմակերպությունների վարկառու, ունեն բավարար վարկային պատմություն:
Անշարժ գույքի գրավադրմամբ վարկերի մասին առավել մանրամասն տեղեկություններ կարելի է ստանալ Բանկի կայքում՝ անցնելով հետևյալ հղմամբ կամ զանգահարելով Բանկի շուրջօրյա զանգերի կենտրոն՝ 012222222 հեռախոսահամարով:
Նշենք, որ Արդշինբանկը 2022 թվական է մուտք գործել 2 մլրդ ԱՄՆ դոլարի ակտիվներով, որը կազմում է Հայաստանի ՀՆԱ-ի մոտ 15%-ը։ Բանկի սեփական կապիտալը գերազանցել է 200 մլն ԱՄՆ դոլարը։ Արդշինբանկի մասնաճյուղային ցանցը խոշորագույններից է Հայաստանի բանկային համակարգում և ներկայումս ունի 63 գործող մասնաճյուղ, որոնցից 42-ը գտնվում են մարզերում, իսկ 21-ը՝ հանրապետության մայրաքաղաքում։ Մայիսին սպասվում է Արդշինբանկի ևս մեկ մասնաճյուղի բացում՝ Կոտայքի մարզում։
Բանկը վերահսկվում է ՀՀ ԿԲ կողմից:–0–
